నాగులపహాడ్‌లో వెల్లివిరిసిన  దామోదర్ రెడ్డి జయంతి వేడుకలు

పెన్ పహాడ్, ( సూర్యాపేట): సూర్యాపేట నియోజకవర్గ వికాసానికి అహర్నిశలు శ్రమించిన ప్రజానేత, మాజీ మంత్రివర్యులు ‘టైగర్’ రాంరెడ్డి దామోదర్ రెడ్డి జయంతి వేడుకలు పెన్ పహాడ్మండల పరిధిలోని నాగులపహాడ్ గ్రామంలో సోమవారం జనసందోహం మధ్య అత్యంత వైభవంగా జరిగాయి. పెన్ పహాడ్ మండల కాంగ్రెస్ పార్టీ అధ్యక్షులు తూముల సురేష్ రావు పిలుపు మేరకు, నాగులపహాడ్ గ్రామ కాంగ్రెస్ కమిటీ ఆధ్వర్యంలో, సీనియర్ కాంగ్రెస్ నాయకులు నారాయణ కృష్ణారెడ్డి ప్రత్యేకాధ్వర్యంలో ఈ సేవా కార్యక్రమాన్ని ఒక యజ్ఞంలా నిర్వహించారు.ముందుగా గ్రామంలో ఏర్పాటు చేసిన దామోదర్ రెడ్డి చిత్రపటానికి పూలమాలలు వేసి, ఆయన నియోజకవర్గానికి చేసిన అజరామరమైన సేవలను స్మరించుకుంటూ కాంగ్రెస్ శ్రేణులు భావోద్వేగ నివాళులర్పించాయి. అనంతరం ఆయన ఆశయాలకు అనుగుణంగా, పర్యావరణ పరిరక్షణను కాంక్షిస్తూ ‘పరిశుభ్రత-పచ్చదనం’ ధ్యేయంగా నాగులపహాడ్ పురవీధుల్లో విస్తృతంగా మొక్కలు నాటారు.ఈ సందర్భంగా సీనియర్ నాయకులు నారాయణ కృష్ణారెడ్డి మాట్లాడుతూ.. ప్రజా సంక్షేమమే ఊపిరిగా బతికిన టైగర్ రాంరెడ్డి దామోదర్ రెడ్డి జ్ఞాపకాలు ప్రతి కార్యకర్త గుండెల్లో పదిలంగా ఉంటాయన్నారు. నిరుపేదల ముఖాల్లో చిరునవ్వులు పూయించిన ఆ మహానాయకుడి అడుగుజాడల్లో నడుస్తూ, పార్టీ బలోపేతానికి ప్రతి ఒక్కరూ సైనికుల్లా పనిచేయాలని పిలుపునిచ్చారు.కార్యక్రమంలో భాగస్వాములైన ముఖ్య నాయకులుఈ ప్రతిష్టాత్మక కార్యక్రమంలో గ్రామ శాఖ అధ్యక్షులు ఒగ్గు దేవయ్య, వార్డు మెంబర్లు  కందుకూరి నరేష్, రేణుక దేవయ్య, శంకరమద్ది జగ్గారెడ్డి, దామోదర్ రెడ్డి, కందుకూరి మహేష్, గడ్డం వెంకన్న, రేఖ ఇంద్రయ్య, మీసాల ఇంద్రయ్య, కుక్కడపు గోవర్ధన్, రుక్కమ్మ, సుకన్య, సులోచన, హరీష్, పాలకూరి యాదగిరి తదితరులు పాల్గొన్నారు.