ఉద్యోగానికి ఎంపికైన యువకులకు అభినందనలు

కుల్కచర్ల, వికారాబాద్: తెలంగాణ రాష్ట్ర రోడ్డు ట్రాన్స్ పోర్ట్ కార్పోరేషన్ లో డ్రైవర్, శ్రామిక్ పోస్టుల భర్తీకి సంబంధించిన ఫలితాలను తెలంగాణ పోలీసు నియామక మండలి ఈ నెల 3వ తేదిన విడుదల చేసింది. ఇందులో డ్రైవర్ ఉద్యోగానికి బండవెల్కిచర్ల, కుల్కచర్ల గ్రామాలకు చెందిన ఇద్దరు యువకులు ఎంపికైనారు. ఈ సందర్భంగా బండవెల్కిచర్ల గ్రామ పంచాయతీ ఆవరణలో పాంబండ ఆలయ చైర్మన్ మహిపాల్ రెడ్డి, బండవెల్కిచర్ల సర్పంచి శ్రీనివాస్ లు కలిసి యువకులను అభినందించారు. ఈ సందర్భంగా వారు మాట్లాడు తూ.తమ ప్రాంతానికి చెందిన యువత ఉద్యోగ సాధనలో రాణిస్తున్నారని చెప్పారు. వీరిని ఇతరులు ఆదర్శంగా తీసుకుని లక్ష్య సాధనలో ముందుకు వెళ్లాలని సూచించారు. కార్యక్రమంలో బండవెల్కిచర్ల ఉప సర్పంచి గోవర్ధన్ రెడ్డి, స్థానికులు,పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.