చౌటకూర్‌లో కోతుల బెడద.

చర్యలు తీసుకోవాలని గ్రామస్తుల డిమాండ్

చౌటకూర్ : సంగారెడ్డి జిల్లా చౌటకూర్ మండల కేంద్రంలో కోతుల బెడద రోజురోజుకూ పెరుగుతోంది. కోతుల కారణంగా స్థానిక ప్రజలు తీవ్ర ఇబ్బందులు ఎదుర్కొంటున్నారు. ఇళ్లలోకి చొరబడి ఆహార పదార్థాలను ఎత్తుకెళ్లడం, చిన్నారులు, వృద్ధులను భయభ్రాంతులకు గురిచేయడం వంటి ఘటనలు తరచూ జరుగుతున్నాయని గ్రామస్తులు ఆవేదన వ్యక్తం చేస్తున్నారు. కోతుల సంచారంతో ప్రజలు బయటకు రావాలన్నా భయపడే పరిస్థితి నెలకొంది. ముఖ్యంగా మహిళలు, చిన్నారులు తీవ్ర ఇబ్బందులు ఎదుర్కొంటున్నారని స్థానికులు తెలిపారు. ఈ సమస్యను అధికారులు వెంటనే గుర్తించి, అటవీ శాఖ సహకారంతో కోతులను పట్టించి సురక్షిత ప్రాంతాలకు తరలించేలా చర్యలు చేపట్టాలని గ్రామస్తులు డిమాండ్ చేస్తున్నారు. సమస్యను నిర్లక్ష్యం చేయకుండా తక్షణమే పరిష్కరించాలని వారు కోరుతున్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.