బీజేపీ గుండాల్లారా ఖబర్దార్

కరీంనగర్ : కాంగ్రెస్ నాయకుల జోలికొస్తే ఊరుకోమని కాంగ్రెస్ పార్టీ కరీంనగర్ అసెంబ్లీ ఇన్‌చార్జి వెలిచాల రాజేందర్‌రావు బీజేపీ నాయకులను హెచ్చరించారు. నీట్ ప్రశ్నపత్రం లీకేజీకి నిరసనగా, ఢిల్లీలో రాహుల్ గాంధీ అరెస్టును ఖండిస్తూ శుక్రవారం నగరంలోని 3వ డివిజన్ తీగలగుట్టపల్లిలో కాంగ్రెస్ కార్యకర్తలు కళ్లకు నల్ల గంతలు కట్టుకుని నిరసన తెలిపారు.ఈ సందర్భంగా రాజేందర్‌రావు మాట్లాడుతూ బీజేపీ గుండాల్లారా ఖబర్దార్. మా ఓపికను అలుసుగా తీసుకుంటే వీధుల్లో తిరగలేరు. తస్మాత్ జాగ్రత్తఅన్నారుశాంతియుతంగా నిరసనకు వెళ్లిన కాంగ్రెస్ నేతలపై బండి సంజయ్ అనుచరులు లాఠీలతో దాడి చేయడం ప్రజాస్వామ్య విరుద్ధమన్నారు. ఇకపై ఇలాంటి దౌర్జన్యాలను సహించబోమని స్పష్టం చేశారు.నీట్ లీకేజీకి నైతిక బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేశారు. రాజీనామా చేసేదాకా పోరాటం ఆపేది లేదన్నారు.ప్రధాని నరేంద్ర మోడీకి ఇక శంకర్‌గిరి మాన్యాలు తప్పవని, కేంద్ర ప్రభుత్వ వైఖరిని ప్రతి గ్రామం, ప్రతి వీధిలో ఎండగడతామని తెలిపారు. ఈ కార్యక్రమంలోమార్కెట్ కమిటీ చైర్మన్ ఆకుల నరసన్న, 3వ డివిజన్ అధ్యక్షుడు మూల కృష్ణారెడ్డి, పద్మాకర్ రెడ్డి, ఆర్ష మల్లేశం, కాశెట్టి శ్రీనివాస్, ఎలగందుల సర్పంచ్ నిమ్మల అంజన్న తదితరులు పాల్గొన్నారు