పెద్దపల్లి: తెలంగాణ రక్షణ సేన పార్టీ రాష్ట్ర అధ్యక్షురాలు కవిత రాష్ట్రంలోని 23 అసెంబ్లీ నియోజకవర్గాలకు ఇన్చార్జిలను నియమిస్తూ జాబితా విడుదల చేశారు. ఇందులో భాగంగా పెద్దపల్లి అసెంబ్లీ ఇన్చార్జిగా పెద్దకాల్వ గ్రామానికి చెందిన సురేంద్ర కొమురయ్యను నియమించారు.నియామకం అనంతరం ఆయన మాట్లాడుతూ, ఉద్యమకారులకు తగిన గుర్తింపు కల్పిస్తున్న తెలంగాణ రక్షణ సేన పార్టీని గ్రామస్థాయి నుంచి బలోపేతం చేసి ప్రజల్లోకి తీసుకెళ్తామని తెలిపారు. ప్రజా సమస్యల పరిష్కారం, విద్య, వైద్యం, తాగునీరు, ఉపాధి, ఉద్యోగాల అంశాలపై పార్టీ పోరాటం కొనసాగిస్తుందని చెప్పారు. తనపై నమ్మకం ఉంచి బాధ్యతలు అప్పగించిన పార్టీ రాష్ట్ర అధ్యక్షురాలు కవితకు ఆయన కృతజ్ఞతలు తెలిపారు.
.jpeg)
