ముత్తారం, పెద్దపల్లి : ముత్తారం మండలం అడవి శ్రీరాంపూర్ గ్రామానికి చెందిన బేడ బుడగ జంగాలు కుటుంబ సభ్యులు గ్రామ దేవత పోచమ్మకు మొక్కులు చెల్లించి ప్రత్యేక పూజలు నిర్వహించారు.అనంతరం కుటుంబ సభ్యులు, బంధుమిత్రులతో కలిసి పచ్చని ప్రకృతి ఒడిలో వనభోజనాలు ఏర్పాటు చేసుకుని ఆధ్యాత్మిక వాతావరణంలో ఆనందంగా గడిపారు.ఈ సందర్భంగా పెద్దలు గ్రామ ప్రజలందరూ సుఖసంతోషాలతో, పాడిపంటలతో వర్ధిల్లాలని పోచమ్మ తల్లిని ప్రార్థించారు. సంప్రదాయాలను పరిరక్షిస్తూ ప్రతి ఏడాది ఇలాంటి కార్యక్రమాలను నిర్వహించడం ఆనవాయితీగా కొనసాగుతుందని తెలిపారు.చిన్నారులు,మహిళలు, యువకులు ఉత్సాహంగా పాల్గొని కార్యక్రమాన్ని విజయవంతం చేశారు.ఈ కార్యక్రమంలో పెద్ద మనుషులు పర్తం జంపయ్య,తూర్పటి శంకర్, షేర్ల చంద్రశేఖర్ తదితరులు పాల్గొన్నారు.
.jpeg)
