తాగునీటి సమస్య రాకుండా ముందస్తు చర్యలు చేపట్టాలి: కలెక్టర్ హేమంత్ కేశవ్ పాటిల్

సూపర్ ఎల్ నీనో ప్రభావంతో రానున్న రోజుల్లో తాగునీటి సమస్యలు తలెత్తకుండా ముందస్తు చర్యలు చేపట్టాలని జిల్లా కలెక్టర్ హేమంత్ కేశవ్ పాటిల్ అధికారులను ఆదేశించారు. కలెక్టరేట్‌లో మిషన్ భగీరథ, నీటిపారుదల, భూగర్భ జల శాఖల అధికారులతో తాగునీటి సరఫరాపై సమీక్ష నిర్వహించారు. ఈ సందర్భంగా కలెక్టర్ మాట్లాడుతూ - నార్లాపూర్, ఎల్లూరు రిజర్వాయర్లను పూర్తి సామర్థ్యంతో ఉంచాలని, ఎల్లూరు నుంచి కేఎల్ఐ పంపుల ద్వారా తాగునీటి సరఫరాకు ముందస్తు ఏర్పాట్లు చేయాలన్నారు. వ్యవసాయానికి నీరు అందుబాటులో ఉందని రైతులకు హామీలు ఇవ్వవద్దని, ప్రస్తుతం తాగునీటికే నీరు ఉందని తెలియజేయాలన్నారు. మిషన్ భగీరథ పైపులైన్ల లీకేజీలను అరికట్టాలని, నీరు వృథా కాకుండా చూడాలన్నారు. శ్రీశైలంలో ప్రస్తుతం 57 టీఎంసీల నీరు మాత్రమే ఉందని, అందులో డెడ్ స్టోరేజీ 30 టీఎంసీలేనని తెలిపారు. భూగర్భ జలాలు అడుగంటుతున్నందున నీటిని పొదుపుగా వాడేలా గ్రామస్థాయిలో అవగాహన కల్పించాలన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.