పెద్ద మల్లారెడ్డిలో ఘనంగా బతుకమ్మ పండుగ వేడుకలు

భిక్కనూర్ : భిక్కనూర్ మండలంలోని పెద్ద మల్లారెడ్డి గ్రామంలో బతుకమ్మ పండుగ వేడుకలు ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను గ్రామ మహిళలు, యువతులు ఉత్సాహంగా జరుపుకున్నారు.ఈ సందర్భంగా వివిధ రకాల పూలతో అందంగా బతుకమ్మలను పేర్చి, సంప్రదాయ దుస్తులు ధరించి బతుకమ్మ పాటలు పాడుతూ సందడి చేశారు. గ్రామంలో పండుగ వాతావరణం నెలకొంది. మహిళలు సామూహికంగా బతుకమ్మ ఆటలు ఆడుతూ తెలంగాణ సంస్కృతి, సంప్రదాయాలను చాటిచెప్పారు.బతుకమ్మ పండుగ మహిళల్లో ఐక్యతను పెంపొందించడంతో పాటు ప్రకృతిని ఆరాధించే గొప్ప సంప్రదాయానికి నిదర్శనంగా నిలుస్తుందని పలువురు పేర్కొన్నారు. గ్రామంలో వేడుకలు ఆనందోత్సాహాల మధ్య కొనసాగాయి.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.