క్లీన్ బౌల్డ్.. నిరాశపరిచిన గిల్

రంజీ ట్రోఫీలో 5 బంతుల్లో ఒక్క పరుగే.. అజయ్ మండల్ బౌలింగ్‌లో పెవిలియన్‌కు ఛత్తీస్‌గఢ్‌లో జరుగుతున్న రంజీ ట్రోఫీ మ్యాచ్‌లో పంజాబ్ తరఫున బరిలోకి దిగిన భారత టెస్టు కెప్టెన్ శుభ్‌మన్ గిల్ నిరాశపరిచారు. కేవలం 5 బంతులు ఎదుర్కొని ఒక్క పరుగు మాత్రమే చేసిన గిల్.. అజయ్ మండల్ బౌలింగ్‌లో క్లీన్ బౌల్డ్ అయ్యారు.ఇటీవల స్పిన్ బౌలింగ్‌ను ఎదుర్కోవడంలో ఇబ్బందులు పడుతున్న గిల్.. ఫస్ట్ క్లాస్ క్రికెట్‌లోనూ అదే సమస్యను పునరావృతం చేశారు. త్వరలో భారత్, న్యూజిలాండ్ మధ్య టెస్టు సిరీస్ జరగనున్న నేపథ్యంలో మ్యాచ్ ప్రాక్టీస్ కోసం గిల్ రంజీ ట్రోఫీలో ఆడుతున్నారు. అయితే, ఈ మ్యాచ్‌లో తక్కువ స్కోరుకే వెనుదిరగడం ఆయనకు నిరాశ కలిగించే అంశంగా మారింది.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.