చౌటకూర్ నుంచి పోసానిపల్లెలో గ్రామంలోని వెళ్తున్న రోడ్డు పక్కన ఉన్న చెట్లను యథేచ్ఛగా చెట్ల నరికివేత

చౌటకూర్,  ఒకవైపు పచ్చదనాన్ని పెంపొందించి పర్యావరణ సమతుల్యతను కాపాడేందుకు ప్రభుత్వం ప్రాధాన్యమిస్తుండగా, మరోవైపు క్షేత్రస్థాయిలో చెట్ల నరికివేతపై ఫిర్యాదులు వెల్లువెత్తుతున్నాయి. చౌటకూర్ మండల పరిధిలోని పోసానిపల్లె రహదారి పరిసర ప్రాంతాల్లో ఏళ్ల తరబడి నీడను, ప్రాణవాయువును అందిస్తున్న పాత చెట్లను కొందరు వ్యక్తులు యథేచ్ఛగా నరికివేస్తున్నారని స్థానికులు ఆరోపిస్తున్నారు.చింత, వేప, కానుగ తదితర వృక్షాలను నరికివేస్తున్నప్పటికీ సంబంధిత అధికారులు తగిన చర్యలు తీసుకోవడం లేదని గ్రామస్తులు ఆవేదన వ్యక్తం చేస్తున్నారు. ఈ అక్రమ నరికివేతపై అధికారులకు సమాచారం అందించినప్పటికీ, క్షేత్రస్థాయి పరిశీలన కూడా చేయడం లేదని వారు ఆరోపిస్తున్నారు.

గ్రామాల్లో ప్రభుత్వ ఆదేశాల మేరకు నర్సరీలను ఏర్పాటు చేసి కొత్త మొక్కలను పెంచడం, వాటిని ప్రణాళికాబద్ధంగా నాటడం అభినందనీయమని స్థానికులు పేర్కొంటున్నారు. అయితే దశాబ్దాలుగా పెరిగి పర్యావరణానికి ఎంతో మేలు చేస్తున్న పాత వృక్షాలను రక్షించడంపైనా అధికారులు దృష్టి సారించాలని కోరుతున్నారు. గ్రామ శివారు ప్రాంతాల్లో కొందరు కలప వ్యాపారులు, ఇతర వ్యక్తులు ఏళ్లనాటి చెట్లను నరికివేసి లారీలు, ట్రాక్టర్ల ద్వారా తరలిస్తున్నారని స్థానికులు ఆరోపిస్తున్నారు. ఈ వ్యవహారంపై సమగ్ర విచారణ జరిపి, అసలు చెట్ల నరికివేతకు అనుమతులు ఉన్నాయా లేదా అనే విషయాన్ని అధికారులు స్పష్టం చేయాలని వారు డిమాండ్ చేస్తున్నారు. సంయుక్తంగా పరిశీలించి చర్యలు తీసుకోవాలి చెట్ల నరికివేతపై సమాచారం అందుతున్నప్పటికీ చర్యలు కరువయ్యాయని చౌటకూర్ ప్రజలు ఆవేదన వ్యక్తం చేస్తున్నారు. అధికారుల పర్యవేక్షణ పెంచి, అక్రమంగా చెట్లను నరికివేస్తున్న వారిపై నిబంధనల ప్రకారం కఠిన చర్యలు తీసుకోవాలని కోరుతున్నారు. పర్యావరణ పరిరక్షణలో భాగంగా కొత్త మొక్కలను నాటడంతో పాటు ఇప్పటికే ఉన్న పాత వృక్షాలను సంరక్షించాల్సిన బాధ్యత కూడా అందరిపై ఉందని గ్రామస్తులు పేర్కొన్నారు. ఇప్పటికైనా అటవీ, రెవెన్యూ శాఖల అధికారులు సంయుక్తంగా స్పందించి, పోసానిపల్లె రహదారి పరిసరాల్లో క్షేత్రస్థాయి పరిశీలన చేపట్టాలని విజ్ఞప్తి చేస్తున్నారు. తక్షణమే సమగ్ర విచారణ జరిపి, నిబంధనలు ఉల్లంఘించిన వారిపై చట్టపరమైన చర్యలు తీసుకోవాలని స్థానికులు డిమాండ్ చేస్తున్నారు.