పాలెం జిల్లా పరిషత్ ఉన్నత పాఠశాలలో గ్రంథాలయం ప్రారంభం

గ్రామం: పాలెం మండలం: బిజినపల్లి జిల్లా: నాగర్ కర్నూల్ బిజినపల్లి మండల పరిధిలోని పాలెం జిల్లా పరిషత్ ఉన్నత పాఠశాలలో నూతనంగా ఏర్పాటు చేసిన గ్రంథాలయాన్ని ఘనంగా ప్రారంభించారు. ఈ కార్యక్రమానికి పాఠశాల ప్రధానోపాధ్యాయులు, గ్రామ సర్పంచ్ బోనాసి రామకృష్ణ, ఉపసర్పంచ్ గోవిందు శ్రీనివాసులు ముఖ్య అతిథులుగా పాల్గొన్నారు.ఈ సందర్భంగా వారు మాట్లాడుతూ విద్యార్థుల్లో పుస్తక పఠన అలవాటును పెంపొందించడానికి గ్రంథాలయాలు ఎంతో ఉపయోగపడతాయని తెలిపారు. పుస్తక పఠనం ద్వారా జ్ఞానం, విజ్ఞానం పెంపొందించుకోవడంతో పాటు పోటీ పరీక్షలకు అవసరమైన పరిజ్ఞానాన్ని సంపాదించుకోవచ్చని పేర్కొన్నారు. విద్యార్థులు పాఠ్యపుస్తకాలతో పాటు వివిధ విజ్ఞాన, సాహిత్య పుస్తకాలను చదివి ఉన్నత లక్ష్యాలను సాధించాలని సూచించారు.ఈ కార్యక్రమంలో ఉపాధ్యాయులు రాఘవేందర్ రెడ్డి, పూర్ణచంద్రకళ, తిరుపతమ్మ, రాజు, సాయిశంకర్, గాయత్రి, శ్రీదేవి, జహీరా, శివశంకర్, రమ, పార్వతి తదితరులు పాల్గొన్నారు. అలాగే పాఠశాల విద్యార్థినీ విద్యార్థులు అధిక సంఖ్యలో పాల్గొని కార్యక్రమాన్ని విజయవంతం చేశారు.