హాస్పిటల్ కార్మికులకు 26 వేల రూపాయల వేతనం పెంచాలి.

బాన్సువాడ : హాస్పిటల్ కార్మికులకు 26,000 పెంచాలని శనివారం ఏఐటియుసి నేత దుబాస్ రాములు  ప్రభుత్వాన్ని డిమాండ్ చేశారు. తెలంగాణ మెడికల్ కాంట్రాక్ట్ వర్కర్స్ అండ్ ఎంప్లాయిస్ యూనియన్ ఏఐటీయూసీ ఆధ్వర్యం లో బాన్సువాడ ప్రభుత్వ హాస్పిటల్ ముందు ధర్నా నిర్వహించడం జరిగింది.ఈ ధర్నా ను ఉద్దేశించి ఏఐటీయూసీ జిల్లా ఉపాధ్యక్షులు దుబాస్ రాములు మాట్లాడుతూ. హాస్పిటల్ లో పనిచేస్తున్న సెక్యూరిటీ, శానిటేషన్, పేషంట్ కేర్ కార్మికుల కు కనీస వేతనం  26 వేల రూపాయల కు పెంచాలని ఆయన డిమాండ్ చేశారు. అలాగే కార్మికుల కు ఉద్యోగ భద్రత కల్పించాలని, ప్రతినెల 1 వ తేదీ న కార్మికుల ఖాతాకు జీతాలు జమ చేయాలని, పండుగ జాతీయ సెలవులు మెటర్నిటీ సెలవులు ఇవ్వాలని ఆయన డిమాండ్ చేశారు. ఈ ధర్నా కార్యక్రమం లో సంతోష్ గౌడ్, కమర్, జైల్ సింగ్, సురేఖ, సరిత, లక్ష్మి, లక్ష్మణ్, రాజు, రాజేశ్వరి, కళ్యాణి, అనిత, శంకర్ తదితరులు పాల్గొన్నారు.