15న నగరంలో విద్యుత్​ సరఫరాలో అంతరాయం

నిజామాబాద్ : నగరంలో ఆదివారం విద్యుత్​ సరఫరాలో అంతరాయం ఏర్పడనుందని విద్యుత్​ శాఖ అధికారులు పేర్కొన్నారు. ఈ మేరకు ట్రాన్స్​కో టౌన్​–3 ఏడీఈ వినోద్​ తెలిపారు. శనివారం ప్రకటన విడుదల చేశారు. వినాయక్ నగర్​ పరిధిలోని.. నగరంలోని వినాయక్​నగర్​ పరిధిలో 15వ తేదీ 33/11 కేవీ సబ్‌స్టేషన్ పరిధిలోని 11కేవీ వినాయక నగర్–2 ఫీడర్​పై అలాగే ఆర్యనగర్–2 ఫీడర్స్ టవర్స్​ పనులు జరుగుతున్నాయని ట్రాన్స్​కో ఏడీఈ ​ తెలిపారు. ఈ సందర్భంగా 11 కేవీ ఆర్యనగర్ 2 ఫీడర్​ పరిధిలోని విశాల్ మార్ట్ ఏరియా, ఓల్డ్ పోలీస్ స్టేషన్ ఏరియా, జాకీ షోరూం, చికెన్ సెంటర్ ఏరియా, రామరాజ్​ కాటన్​ ఏరియాల్లో కరెంట్​ ఉండదన్నారు. అలాగే 11 కేవీ వినాయక నగర్–2 పరిధిలోని అగర్వాల్ హాస్పిటల్, పులాంగ్ హనుమాన్ ఆలయం ఏరియాలో విద్యుత్​ సరఫరా ఉండదని పేర్కొన్నారు. ఆదివారం ఉదయం 11:00 గంటల నుండి సాయంత్రం 3గంటల వరకు విద్యుత్ సరఫరా నిలిపివేయబడుతుందని వినియోగదారులు సహకరించాలని కోరారు.