వీర నారి చాకలి ఐలమ్మ పోరాట స్ఫూర్తి ప్రతి ఒక్కరికి ఆదర్శం కావాలి.

ఆదిలాబాద్  : తెలంగాణ సాయుధ పోరాట యోధురాలు, వీరనారి చాకలి ఐలమ్మ వర్ధంతి వేడుకలను ఆదిలాబాద్‌ పట్టణం లోని రిమ్స్ మెడికల్ ఆసుపత్రి ఎదురుగా ఉన్న ఆమె విగ్రహం వద్ద ఘనంగా నిర్వహించారు. ఈ కార్యక్రమంలో జిల్లా కలెక్టర్ రాజర్షి షా, అడిషనల్ కలెక్టర్ రాజేశ్వర్, జాయింట్ కలెక్టర్  చిత్రు, మున్సిపల్ చైర్‌పర్సన్ బండారి అనుష సతీష్  లతోకలిసి ఆదిలాబాద్ వ్యవసాయ మార్కెట్ కమిటీ చైర్మన్ బోరంచు శ్రీకాంత్ రెడ్డి, ముఖ్య అతిథిగా పాల్గొని, వీరనారి చాకలి ఐలమ్మ విగ్రహానికి పూలమాలలు వేసి ఘనంగా నివాళులర్పించారు. కార్యక్రమంలో బీసీ వెల్ఫేర్ అధికారిణి సునీత కుమారి , మున్సిపల్ కమీషనర్ జగదీష్ గౌడ్ , బీసీ సంఘం నాయకులు చిక్కల దత్తు, కలాల శ్రీనివాస్ , రజక సంఘం అధ్యక్షులు కార్తీక్, తదితరులు పాల్గొని ఐలమ్మ ఆశయాలను స్మరించుకున్నారు. ఈ సందర్భంగా శ్రీకాంత్ రెడ్డి,పుర అధ్యక్షురాలు బండారి అనూష సతీష్ లు మాట్లాడుతూ సబ్బండ వర్గాల ఆత్మగౌరవానికి, మహిళా చైతన్యానికి చాకలి ఐలమ్మ   ప్రతీక అని అన్నారు. భూమి కోసం, భుక్తి కోసం, వెట్టిచాకిరి విముక్తి కోసం పోరాడి తెలంగాణ ప్రజల తెగువను, పోరాట స్ఫూర్తిని ప్రపంచానికి చాటిన ఆమె తెలంగాణ ప్రజలందరికీ ఆదర్శమని వారి ఆశయసాధనకు ప్రతీ ఒక్కరం కృషి చేయాలనీ పిలుపునిచ్చారు.