కోర్పోల్ గ్రామంలో చెరువు భూమి ఆక్రమణపై అధికారులకు ఫిర్యాదు

చెరువు కట్టపైకి వెళ్లేందుకు దారి ఏర్పాటు చేయాలి: బీజేపీ మాజీ మండల ఉపాధ్యక్షుడు వడ్ల సుధాకర్ చారి

: సంగారెడ్డి జిల్లా చౌటకూర్ మండలం కోర్పోల్ గ్రామంలోని వడ్లొని కుంట చెరువు వద్ద భూమి ఆక్రమణకు పాల్పడుతున్నారంటూ బీజేపీ మాజీ మండల ఉపాధ్యక్షుడు వడ్ల సుధాకర్ చారి అధికారుల దృష్టికి తీసుకెళ్లారు. చెరువు భూమిని కొందరు వ్యక్తులు అక్రమంగా ఆక్రమించడంతో చెరువు విస్తీర్ణం తగ్గిపోతోందని, చెరువు కట్టపైకి వెళ్లేందుకు దారి లేకుండా పోయిందని ఆయన ఆవేదన వ్యక్తం చేశారు.చెరువు భూమి ఆక్రమణల కారణంగా చెరువు పరిరక్షణకు ఇబ్బందులు ఎదురయ్యే అవకాశం ఉందని పేర్కొన్నారు. చెరువు కట్టపైకి వెళ్లేందుకు వీలుగా దారి ఏర్పాటు చేయడంతో పాటు, చెరువు భూమి ఆక్రమణకు గురవుతున్న అంశంపై అధికారులు సమగ్రంగా విచారణ జరిపించాలని కోరారు.ఈ సమస్యను పరిష్కరించి, చెరువు భూమిని పరిరక్షించేందుకు తగిన చర్యలు తీసుకోవాలని వడ్ల సుధాకర్ చారి అధికారులకు వినతిపత్రం అందజేశారు. సంబంధిత అధికారులు స్పందించి, చెరువు భూమి హద్దులను పరిశీలించి, ప్రజలకు ఇబ్బందులు లేకుండా చెరువు కట్టపైకి వెళ్లేందుకు దారి ఏర్పాటు చేయాలని ఆయన కోరారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.