దుర్గాదేవి నవరాత్రి పూజా కార్యక్రమంలో పాల్గొన్న జిల్లా ఎస్పీ అఖిల్ మహాజన్

శాకంబరీ మాత ఆలయంలో ప్రత్యేక పూజలు నిర్వహించిన జిల్లా ఎస్పీ. జిల్లా ప్రజలందరికీ దుర్గా నవరాత్రి శుభాకాంక్షలు.

ఆదిలాబాద్ బ్యూరో అక్టోబర్ 12 (విజన్ ఆంధ్ర)ఆదిలాబాద్ పట్టణంలోని బుక్తాపూర్‌లో ఉన్న శాకంబరీ మాత ఆలయం లో ఆలయం వద్ద ఏర్పాటుచేసిన దుర్గా దేవి నవరాత్రి పూజా కార్యక్రమంలో జిల్లా ఎస్పీ అఖిల్ మహాజన్ పాల్గొని ప్రత్యేక పూజలు నిర్వహించారు. ఆలయం ఎదురుగా ఏర్పాటు చేసిన దుర్గామాత విగ్రహానికి నిర్వహించిన పూజా కార్యక్రమాల్లో పాల్గొని అమ్మవారిని దర్శించుకున్నారు.
ఈ సందర్భంగా జిల్లా ఎస్పీ మాట్లాడుతూ జిల్లా ప్రజలందరికీ దుర్గా నవరాత్రి శుభాకాంక్షలు తెలియజేశారు. దుర్గా నవరాత్రులు భక్తి, ఆధ్యాత్మికత, శక్తి ఆరాధనకు ప్రతీకలని, ఈ పవిత్ర పండుగను ప్రజలందరూ భక్తిశ్రద్ధలతో, ఆనందోత్సాహాలతో ఘనంగా నిర్వహించుకోవాలని ఆకాంక్షించారు.
నవరాత్రి ఉత్సవాల సందర్భంగా ఆలయాలకు వచ్చే భక్తులు భక్తి భావంతో పూజా కార్యక్రమాల్లో పాల్గొని, పండుగ వాతావరణాన్ని ఆనందంగా ఆస్వాదించాలని తెలిపారు. ఉత్సవాల నిర్వహణలో నిర్వాహకులు, భక్తులు పరస్పర సహకారంతో వ్యవహరిస్తూ ప్రశాంతమైన వాతావరణాన్ని కొనసాగించాలని సూచించారు.
ఈ కార్యక్రమంలో ఆలయ నిర్వాహకులు, భక్తులు, పోలీస్ అధికారులు తదితరులు పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.