తెలంగాణ విశ్వవిద్యాలయంలో “కిల్ ద క్యాన్సర్” ఎలొక్యూషన్ పోటీ సెమీ ఫైనల్స్ విజయవంతం

నిజామాబాద్ : తెలంగాణ విశ్వవిద్యాలయం జాతీయ సేవా పథకం (NSS) సెల్ ఆధ్వర్యంలో, ISKCON సహకారంతో “KILL THE CANCER” ఎలొక్యూషన్ పోటీ – 2026 విశ్వవిద్యాలయ స్థాయి సెమీ ఫైనల్స్ నవంబర్ 11న తెలంగాణ విశ్వవిద్యాలయంలో విజయవంతంగా నిర్వహించబడ్డాయి.

ఈ కార్యక్రమానికి తెలంగాణ విశ్వవిద్యాలయ NSS కోఆర్డినేటర్ ప్రొఫెసర్ కె. అపర్ణ ముఖ్య అతిథిగా హాజరయ్యారు. పోటీలకు న్యాయనిర్ణేతలుగా డా. శ్రీనివాస్, డా. గోపిరాజ్ తలారి, డా. లక్ష్మి, శ్రీమతి సుమలత, డా. ఆనంద్ తుమ్మ, డా. అలీమ్ ఖాన్, డా. నరేష్ వ్యవహరించారు.ఈ పోటీలో 25 కళాశాలల నుంచి మొత్తం 65 మంది విద్యార్థులు ఉత్సాహంగా పాల్గొని క్యాన్సర్‌పై అవగాహన, నివారణ, ఆరోగ్యకరమైన జీవనశైలి వంటి అంశాలపై తమ వక్తృత్వ ప్రతిభను ప్రదర్శించారు. విద్యార్థులకు ఒక్కొక్కరికి మూడు నిమిషాల సమయం కేటాయించారు.
పోటీల అనంతరం న్యాయనిర్ణేతలు విద్యార్థుల ప్రతిభను వివిధ ప్రమాణాల ఆధారంగా పరిశీలించి, తదుపరి విశ్వవిద్యాలయ స్థాయి ఫైనల్స్‌కు 10 మంది విద్యార్థులను ఎంపిక చేశారు.
ఈ కార్యక్రమాన్ని విజయవంతంగా నిర్వహించడంలో ఎలొక్యూషన్ పోటీ కన్వీనర్ డా. ఎన్. స్వామి కీలక పాత్ర పోషించారు. ఈ కార్యక్రమం ద్వారా యువతలో క్యాన్సర్‌పై అవగాహన పెంపొందించడంతో పాటు, సామాజిక బాధ్యత మరియు ఆరోగ్య చైతన్యాన్ని ప్రోత్సహించే ప్రయత్నం జరిగింది.
ఈ కార్యక్రమానికి సహకరించిన ISKCON ప్రతినిధులు, విశ్వవిద్యాలయ అధికారులు, న్యాయనిర్ణేతలు, కళాశాలల ప్రిన్సిపాళ్లు, NSS ప్రోగ్రామ్ ఆఫీసర్లు మరియు పాల్గొన్న విద్యార్థులకు NSS సెల్ కృతజ్ఞతలు తెలియజేసింది.