పాలమూరు గడ్డపై అండర్-14 క్రికెట్ సంచలనం.. 77 బంతుల్లోనే 111 పరుగులు చేసి వీరవిహారం చేసిన సాయి వరుణ్! ‎

‎​కోయిలకొండ : ‎ ‎క్రీడా రంగంలో మహబూబ్ నగర్ జిల్లా కోయిలకొండ మండలానికి చెందిన యువ క్రికెటర్ మరోసారి తన సత్తా చాటాడు. పాలమూరు ప్రీమియర్ లీగ్ అండర్-14 క్రికెట్ టోర్నమెంట్‌లో భాగంగా జరిగిన ఒక ఉత్కంఠభరిత మ్యాచ్‌లో కోయిలకొండ మండలం వాడీన్న చెరువు తండాకు చెందిన యువ క్రికెటర్ సాయి వరుణ్ అద్భుతమైన ఆటతీరుతో ఆకట్టుకున్నాడు.​మ్యాచ్‌లో భాగంగా ప్రత్యర్థి జట్లకు చెందిన బౌలర్లను ఎదుర్కొంటూ సాయి వరుణ్ ఆరంభం నుంచే అద్భుతమైన షాట్లతో చెలరేగిపోయాడు. మైదానంలో నలుమూలలా బౌండరీల వర్షం కురిపిస్తూ కేవలం 77 బంతుల్లోనే 111 పరుగులు సాధించి అజేయంగా సూపర్ సెంచరీ నమోదు చేశాడు. తనదైన బ్యాటింగ్ శైలితో క్రీడాభిమానులను, నిర్వాహకులను ఎంతగానో అలరించాడు.యువ క్రికెటర్ సాయి వరుణ్ సాధించిన ఈ అరుదైన ఘనత పట్ల క్రీడా వర్గాల నుంచి ప్రశంసలు కురుస్తున్నాయి. బీఎస్‌ఆర్ అకాడమీ కోచ్ నవాజ్ నిర్వాహకులు శ్రీనివాసులు సాయి వరుణ్‌ను ప్రత్యేకంగా అభినందించారు. ఈ సందర్భంగా వారు మాట్లాడుతూ.. చిన్న వయసులోనే సాయి వరుణ్ చూపిన ప్రతిభ అభినందనీయమని, భవిష్యత్తులో మరింత కష్టపడి జాతీయ స్థాయిలో రాణించి జిల్లాకు, ప్రాంతానికి మంచి పేరు తీసుకురావాలని ఆకాంక్షించారు.