కాప్రా మండల రెవెన్యూ కార్యాలయం సాక్షిగా అక్రమ బోర్లు:

ట్యాంకర్లకొద్ది నీళ్ల దందా, చోద్యం చూస్తున్న మండల జిహెచ్ఎంసి అధికారులు,

మేడ్చల్ మల్కాజ్గిరి జిల్లా : కాప్రా, చర్లపల్లి చెరువుల భూగర్భం, పరిసరాలలో అక్రమంగా బోర్లు వేసి లక్షల లీటర్లను తోడేస్తూ ప్రతినిత్యం వందల ట్యాంకర్లను కమర్షియల్ గా అమ్మేస్తూ నీళ్లదందా చేస్తున్నారు. 5,6, 7 ఆపైన హెచ్పి విద్యుత్ మోటార్లతో కేవలం 10 నిమిషాల వ్యవధిలో 5,500 లీటర్ల ట్యాంకర్ ల ను (సంపులో నీళ్లు తోడి నట్లు) నింపేస్తున్నారంటే నీళ్ల దోపిడి ఏ విధంగా సాగుతుందో అర్థం చేసుకోవచ్చు. కాప్రా తహసిల్ కు కూత వేటు దూరం, ఎల్లారెడ్డి గూడ ల నుంచి అక్రమ బోర్ల ద్వారా నీళ్లను ఫిల్లింగ్ చేసిన దాదాపు 100 పైనే ట్యాంకర్లు మండల రెవెన్యూ కార్యాలయం ఎదురునుంచి వెళుతూ కమర్షియల్ గా దందా చేస్తూ హోటళ్ళు, వాణిజ్య సముదాయాలలో పోస్తు సొమ్ము చేసుకుంటున్నారు. అయినా అక్కడ మండల అధికారులు గానీ జిహెచ్ఎంసి అధికారులు గానీ చర్యలు తీసుకోకపోవడం వెనుక వీలకు ముడుపులు ముడుతున్నాయని అక్కడి ప్రజలు ఆరోపిస్తున్నారు. అందుకే అక్కడి అధికారులు చూసి చూడనట్లుగా వివరిస్తున్నారు. అక్రమ బోర్ల ద్వారా లక్షల లీటర్ల భూగర్భ నీళ్లను తోడేస్తున్న సంఘటనపై చర్య తీసుకోవాలని కాలనీ కమిటీల సమాఖ్య CCS విజ్ఞప్తి చేశారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.