మంత్రి దామోదర్ రాజనర్సింహ చొరవతో గిరిజన గ్రామాలకు బీటీ రోడ్డు సౌకర్యం

రూ.3 కోట్ల వ్యయంతో గొంగ్లూర్ తాండా నుంచి ఉప్పరి గూడెం వరకు 2.6 కిలోమీటర్ల రహదారి నిర్మాణం

చౌటకూర్ నవంబర్ 11 (విజన్ ఆంధ్ర) చౌటకూర్ మండలం పరిధిలోని గిరిజన గ్రామాల రహదారి సమస్యకు పరిష్కారం చూపే దిశగా మంత్రి దామోదర్ రాజనర్సింహ ప్రత్యేక చొరవ తీసుకున్నారు. ఆయన చొరవతో రూ.3 కోట్ల నిధులతో గొంగ్లూర్ తాండా నుంచి ఉప్పరి గూడెం వరకు 2.6 కిలోమీటర్ల పొడవున బీటీ రోడ్డు నిర్మాణ పనులు చేపట్టారు.ఎన్నో ఏళ్లుగా సరైన రహదారి సౌకర్యం లేక ఇబ్బందులు ఎదుర్కొంటున్న ఈ ప్రాంత ప్రజలకు నూతన రహదారి అందుబాటులోకి వస్తే ప్రయాణ కష్టాలు తగ్గనున్నాయి. ప్రస్తుతం రహదారి నిర్మాణ పనులు దాదాపు పూర్తయ్యాయి. త్వరలోనే ఈ రహదారిని ప్రజల వినియోగానికి అందుబాటులోకి తీసుకురానున్నారు.ఈ రహదారి అందుబాటులోకి వస్తే గొంగ్లూర్ తాండా, ఉప్పరి గూడెం గ్రామాల ప్రజలకు రాకపోకలు సులభతరం కానున్నాయి. ముఖ్యంగా విద్య, వైద్యం, వ్యవసాయ అవసరాల కోసం ప్రయాణించే ప్రజలకు ఈ రహదారి ఎంతో ఉపయోగకరంగా ఉండనుంది.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.