కల్వకుంట్ల తండాలో పశువులకు నట్టల మందు పంపిణీ

పశు సంరక్షణపై రైతులకు అవగాహన - సర్పంచ్, వెటర్నరీ డాక్టర్ పాల్గొన్నారు

బిజినపల్లి : నాగర్ కర్నూల్ జిల్లా బిజినపల్లి మండలం కల్వకుంట్ల తండాలో శుక్రవారం పశువులకు నట్టల మందు వేయడం జరిగింది. గ్రామంలోని ఆవులు, గేదెలు, గొర్రెలు, మేకలకు పశు వైద్య సిబ్బంది నట్టల మందు వేశారు. పశువులలో నట్టల వల్ల పాలు తగ్గిపోవడం, బరువు తగ్గడం, రోగ నిరోధక శక్తి తగ్గడం వంటి సమస్యలు వస్తాయని, తగిన సమయంలో నట్టల మందు వేయడం వల్ల పశువులు ఆరోగ్యంగా ఉంటాయని ఈ సందర్భంగా వెటర్నరీ డాక్టర్ రైతులకు వివరించారు. పశువులకు సరైన సమయంలో టీకాలు వేయించుకోవాలని, పరిశుభ్రమైన నీరు, మేత అందించాలని సూచించారు.పశువుల పెంపకమే చాలా కుటుంబాలకు ప్రధాన ఆదాయ వనరుగా ఉందని, పశువుల ఆరోగ్యం బాగుంటేనే రైతుల ఆర్థిక పరిస్థితి మెరుగుపడుతుందని గ్రామ సర్పంచ్ అన్నారు. ఇలాంటి కార్యక్రమాలను గ్రామంలో ఎప్పటికప్పుడు నిర్వహిస్తామని తెలిపారు.ఈ కార్యక్రమంలో గ్రామ సర్పంచ్, వెటర్నరీ డాక్టర్, పశు వైద్య సిబ్బంది, గ్రామ పెద్దలు, రైతులు పెద్ద సంఖ్యలో పాల్గొని తమ పశువులకు నట్టల మందు వేయించుకున్నారూ.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.