క్రెడిట్ కార్డ్ స్వైపింగ్ మెషిన్ ద్వారా లక్షల్లో మోసం...!!

హన్మకొండ (విజన్ ఆంధ్ర) : క్రెడిట్ కార్డ్ ల ద్వారా కమిషన్ తీసుకోకుండా డబ్బులు  ఇప్పిస్తాను అంటూ బాధితుల నుండి లక్షల్లో డబ్బు స్వాహా చేసిన మోసగాడిని హన్మకొండ పోలీసులు బుదవారం రోజున అరెస్టు చేసారు. నిందితుడి నుండి పోలీసులు తాను ట్రాన్సక్షన్ కి ఉపయోగించిన హెచ్పి  కంప్యుటర్ మానిటర్, డి ఈ ఎల్ ఎల్   సి పి యు, హెచ్డిఎఫ్సి  స్వయిపింగ్ మిషన్ మరియు రెండు  సెల్‌ఫోన్లను పోలీసులు స్వాధీనం చేసుకున్నారు. ఈ అరెస్టుకు సంబంధించి హన్మకొండ ఏసిపి పి. నరసింహ రావు వివరాలను వెల్లడిస్తూ  కరీంనగర్ జిల్లా జమ్మికుంట మండలం, మడిపల్లి గ్రామానికి చెందిన నిందితుడు నేరెళ్ళ అరుణ్ తండ్రి: సదానందం (31) అను అతడు 2023 వ సంవత్సరంలో హన్మకొండ లోని రాయపురలో భద్రకాళి డిజిటల్ సేవ షాప్ పెట్టి తన యొక్క షాపులో ఆన్లైన్ అప్లికేషన్స్ చేసేవాడు తరువాత అతడు ఇంస్టాముద్ర అప్ కి మరియు షాద్వాల్ పే అప్ కి ఫీజు కట్టి డిస్ట్రిబ్యుటర్ ఐ.డి తీసుకొని తన దగ్గరికి నగదు డబ్బు అవసరం నిమిత్తం వచ్చే కస్టమర్ల క్రెడిట్ కార్డు స్వైప్ చేసి వారికి డబ్బులు ఇచ్చేవాడు.

 

దానికిగాను  వీసా కార్డ్ కి 1.8 %, మాస్టర్ కార్డ్ కి 2.6 %, బిజినెస్ కార్డ్ కి 4 %, రూపే కార్డ్ కి 1.8 % వారిగా డబ్బులు తీసుకునేవాడు. తన దగ్గరికి రెగ్యులర్ గా వచ్చే కస్టమర్లను తన వ్యాలెట్ లో యాడ్ చేసుకొని వారి క్రెడిట్ కార్డులలో బ్యాలెన్స్ ఉంటె వారికి ఫోన్ చేసి తాను వేరే పేమెంట్ చేసేది ఉంది అని చెప్పి వారి కార్డులు స్వైప్ చేసి వారికి ఎటువంటి చార్జెస్ లేకుండా తానే వారి క్రెడిట్  కార్డుల బిల్లులు కడతానని వారిని మోసపూరితంగమైన మాటలు చెప్పి నమ్మించి  కార్డులు స్వైప్ చేసిన తరువాత వేరే కస్టమర్ల కార్డులు  పేమెంట్ చేసి  దానికి 4 % వరకు చార్జ్ తీసుకొని లాభపడేవాడు , తరువాత తన బ్యాంకు ఎకౌంట్ హోల్డ్ అయ్యినది  రెండు రోజుల తరువాత ఎటువంటి కమిషన్ లేకుండా వారికి ఇస్తాను అని నమ్మించి కొన్ని రోజుల తరువాత వాళ్ళ క్రెడిట్ కార్డ్ బిల్లులు కూడా తానే కట్టేవాడు. ఒక సంవత్సరంనర పాటు వారికి నమ్మకంగా ఉంటూ వారి క్రెడిట్ కార్డ్ బిల్లులు కట్టుతు  మరియు  క్రెడిట్ కార్డులు స్వైప్ చేస్తూ ఆలా బాధితుల డబ్బుల నుండి తన యొక్క క్రాప్ లోన్, తన అప్పులు కట్టి మరియు తన కుటుంబ సబ్యులకు కూడా డబ్బులు అడ్జస్ట్మెంట్ చేస్తూ కస్టమర్ల క్రెడిట్ కార్డుల నుండి సుమారుగా 28 లక్షల రుపాయలు వాడుకున్నాడు. కస్టమర్లు తరుచు ఫోన్ చేయడంతో వారికి రేపు మాపు అంటూ దాటవేస్తూ వచ్చాడు. ఆ తరువాత తనవల్ల కాకపోవడంతో కొన్ని రోజులు ఎటైన వెళ్లిపొతే కస్టమర్లు మరచిపోతారు అనుకోని తను వేసుకున్న పథకం ప్రకారం తన షాప్ క్లోసే చేసి వెళ్లి ఇన్ని రోజులు విజయవాడలో ఉన్నాడు. ఈ రోజు తన షాప్ వద్దకు వచ్చి, షాప్ ఖాళీ చేస్తుండగ పోలీసులు నిందితుడి పట్టుకోని అదుపులోకి తీసుకోని, విచారించగా నిందితుడు తన నేరాన్ని అంగీకరించాడు. నిందితులను పట్టుకొవడంలో ప్రతిభ కనబరిచిన హన్మకొండ పోలీస్‌ మరియు టాస్క్ ఫోర్స్ సిబ్బందిని ఏసిపి అభినందించారు.