టీజీఎస్nఆర్టీసీ రీజియన్లో రోడ్డు భద్రత ప్రమాదాల నివారణపై శిక్షణ కార్యక్రమం

నిజామాబాద్ : టీ.జీ.ఎస్. ఆర్టీసీ నిజామాబాద్ రీజియన్ కాన్ఫెరెన్స్ హాల్ లో డ్రైవర్లకు రోడ్డు భద్రత మరియు ప్రమాదాల నివారణపై ప్రత్యేక శిక్షణ కార్యక్రమం నిర్వహించారు. ఈ కార్యక్రమానికి నిజామాబాద్ రీజియన్ డిప్యూటీ రీజినల్ మేనేజర్ పి. జ్యోతి అధ్యక్షత వహించి, డ్రైవర్లు రోడ్డు భద్రత నియమాలు, ప్రమాదాల నివారణ చర్యలు, ప్రయాణికుల పట్ల బాధ్యతాయుతమైన ప్రవర్తన, విధి నిర్వహణలో తీసుకోవాల్సిన జాగ్రత్తలపై అవగాహన కల్పించారు. ఈ కార్యక్రమానికి ముఖ్య అతిథులుగా ట్రాఫిక్ ఏ.సీ.పీ . మస్తాన్ అలీ , మరియు ట్రాఫిక్ CI సురేష్ కుమార్ హాజరై డ్రైవర్లకు విలువైన సూచనలు చేశారు. అలాగే నిజామాబాద్-2 డిపో మేనేజర్ పాల్గొన్నారు. ఈ సందర్భంగా ముఖ్య అతిథులు మాట్లాడుతూ డ్రైవర్లు విధి నిర్వహణ సమయంలో తప్పనిసరిగా ట్రాఫిక్ నిబంధనలు పాటించాలని, అతివేగం, నిర్లక్ష్యపు డ్రైవింగ్, మద్యం సేవించి వాహనాలు నడపడం వంటి చర్యలకు దూరంగా ఉండాలని సూచించారు. ప్రతి ప్రయాణికుడి ప్రాణం ఎంతో విలువైనదని, సురక్షిత ప్రయాణం కల్పించడం ప్రతి ఆర్టీసీ ఉద్యోగి బాధ్యత అని తెలిపారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.