రాళ్లతో దాడి బాధితుడికి న్యాయం చేయాలి

హత్యాయత్నం కోణంలో విచారణ జరపాలి సీసీటీవీ దృశ్యాల ఆధారంగా నిందితులను గుర్తించాలి

దౌల్తాబాద్‌,సిద్దిపేట: మండల కేంద్రంలోని అంబేద్కర్‌ చౌరస్తా వద్ద ఈ నెల 26న రాత్రి ఐదో వార్డు సభ్యుడు కేంసారం నాగరాజుపై జరిగిన రాళ్ల దాడి ఘటనపై పోలీసులు సమగ్ర విచారణ జరపాలని స్థానికులు కోరారు. సీసీటీవీ దృశ్యాలను పరిశీలించి దాడికి పాల్పడిన వారిని గుర్తించి కఠిన చర్యలు తీసుకోవాలని విజ్ఞప్తి చేశారు. దాడి ఘటనను హత్యాయత్నం కోణంలోనూ పరిశీలించాలని, వైద్య నివేదికలు, ప్రత్యక్ష సాక్షుల వాంగ్మూలాల ఆధారంగా దర్యాప్తు చేయాలని కోరారు. కులవివక్ష కారణంగా దాడి జరిగినట్లు తేలితే అట్రాసిటీ చట్టం ప్రకారం చర్యలు తీసుకోవాలని, ఎలాంటి పక్షపాతం లేకుండా విచారణ జరిపి బాధితుడు నాగరాజుకు న్యాయం చేయాలని గ్రామస్థులు డిమాండ్‌ చేశారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.