ఎమ్మెల్సీ చేతుల మీదుగా 'స్నేహితుల దినోత్సవం' ప్రత్యేక పాట ఆవిష్కరణ

గజ్వేల్ (సిద్దిపేట జిల్లా) : సిద్ధిపేట జిల్లా గజ్వేల్ పట్టణంలో "స్నేహితుల దినోత్సవం" పురస్కరించుకుని గేయ రచయిత రాయారావు విశ్వేశ్వరరావు రూపొందించిన ప్రత్యేక పాటను ఎమ్మెల్సీ డాక్టర్ యాదవ రెడ్డి ముఖ్య అతిథిగా హాజరై ఆవిష్కరించారు. ఈ సందర్భంగా ఎమ్మెల్సీ డాక్టర్ యాదవ రెడ్డి మాట్లాడుతూ గేయ రచయిత రాయారావు విశ్వేశ్వరరావు రాసిన పాటలు ఎంతో అద్భుతంగా, శ్రోతలను ఆకట్టుకునేలా ఉన్నాయని కొనియాడారు. సమాజంలో స్నేహానికి ఉన్న విలువను, స్నేహితుల మధ్య ఉండే ప్రేమానురాగాలను చాలా చక్కగా ఈ పాటలో వర్ణించారని ప్రశంసించారు. ఈ ఆవిష్కరణ కార్యక్రమంలో గజ్వేల్ ప్రజ్ఞాపూర్ మున్సిపల్ మాజీ చైర్మన్ ఎన్.సి. రాజమౌళి, మాజీ కౌన్సిలర్ గోపాల్ రెడ్డి, బిఆర్ఎస్ నాయకులు గోలి సంతోష్, ఆపన్న హస్తం మిత్రబృందం సభ్యులు, లయన్స్ క్లబ్ అధ్యక్షులు డాక్టర్ కుమార స్వామి, గజ్వేల్ డివిజన్ బ్రాహ్మణ సేవాసంఘ సమాఖ్య అధ్యక్షులు శంకర్ శర్మ, కోశాధికారి కృష్ణ మూర్తి శర్మ, రాజేశ్వర్, శరత్, తదితరులు పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.