పాఠశాల వద్ద విద్యుత్ ప్రమాదం పొంచి ఉంది.

చెట్ల తొలగింపుకు తల్లిదండ్రుల డిమాండ్

చౌటకూర్ : సంగారెడ్డి జిల్లా చౌటకూర్ మండల కేంద్రంలోని ఎంపీపీ ప్రాథమిక పాఠశాల ప్రహరీ గోడ చుట్టూ పెరిగిన టేక్ చెట్లు విద్యుత్ తీగలను తాకడంతో ప్రమాదకర పరిస్థితి నెలకొంది. ముఖ్యంగా వర్షాకాలంలో ఈదురు గాలుల సమయంలో చెట్ల కొమ్మలు విద్యుత్ తీగలను తాకి మెరుపులు, స్పార్కింగ్ సంభవిస్తున్నట్లు స్థానికులు తెలిపారు. వర్షాలు కురిసినప్పుడు పాఠశాల ఆవరణలో నీరు నిలిచిపోవడంతో, విద్యుత్ తీగలకు తాకుతున్న చెట్ల కారణంగా కరెంట్ నేలలోకి ప్రవహించే ప్రమాదం ఉందని గ్రామస్తులు ఆందోళన వ్యక్తం చేస్తున్నారు. పాఠశాలకు వచ్చే విద్యార్థులు, ఉపాధ్యాయులు, స్థానిక ప్రజల భద్రతకు ఇది ముప్పుగా మారిందని పేర్కొన్నారు.ఈ నేపథ్యంలో ప్రమాదం జరగకముందే విద్యుత్ శాఖ అధికారులు, సంబంధిత శాఖలు స్పందించి విద్యుత్ తీగలకు అడ్డుగా ఉన్న చెట్లను వెంటనే తొలగించాలని విద్యార్థుల తల్లిదండ్రులు, గ్రామస్తులు కోరుతున్నారు. ఆలస్యం చేస్తే ఎప్పుడైనా ప్రమాదం జరిగే అవకాశం ఉందని వారు హెచ్చరిస్తూ, అధికారులు తక్షణ చర్యలు తీసుకోవాలని విజ్ఞప్తి చేశారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.