సోషల్ మీడియాలో ఆయుధాలతో వీడియోలు.. ప్రజలను భయభ్రాంతులకు గురిచేసే ప్రయత్నం చేసిన ఇద్దరు నిందితులు అరెస్టు రిమాండ్

ఆదిలాబాద్:సోషల్ మీడియాలో ఆయుధాలతో వీడియోలు చిత్రీకరించి పోస్టు చేస్తూ ప్రజల్లోభయాందోళనలు సృష్టించే ప్రయత్నాలకు పాల్పడితే చట్టపరమైన చర్యలు తప్పవని మావల ఎస్హెచ్ఓ బి.డి. ప్రేమ్ కుమార్తె లిపారు. వివరాల్లోకి వెళితే.. ఈ నెల 11వ తేదీన కేఆర్కే కాలనీ, కరీం చికెన్ సెంటర్ సమీపంలో కొందరు వ్యక్తులు కత్తులు, ఆయుధాలతో వీడియోలు చిత్రీకరించి సోషల్ మీడియాలో పోస్టు చేస్తున్నారనే విశ్వసనీయ సమాచారం మేరకు మావల ఎస్ఐ కె. రాజశేఖర్ రెడ్డి సిబ్బందితో కలిసి అక్కడికి చేరుకుని ఇద్దరు వ్యక్తులను అదుపులోకి తీసుకున్నారు.విచారణలో *మొహితే వికాస్ (28), బండి శశాంక్ (23)* తమ స్నేహితులైన గైక్వాడ్ లవ్, వంశీ, షెల్కే సందీప్‌లతో కలిసి ఆయుధాలతో వీడియోలు చిత్రీకరించి సోషల్ మీడియాలో పోస్టు చేసినట్లు ప్రాథమిక విచారణలో వెల్లడైనట్లు పోలీసులు తెలిపారు. ప్రజల్లో భయాన్ని సృష్టించాలనే ఉద్దేశంతో కత్తులు, కత్తుల్లాంటి ఆయుధాలతో వీడియోలు రూపొందించినట్లు విచారణలో వెల్లడైంది. బండి శశాంక్ మోటార్ సైకిల్ విడిభాగాలతో తయారు చేసిన ఆయుధాన్ని ఉపయోగించినట్లు తెలిపాడు. ఆ ఆయుధాన్ని 15 రోజుల క్రితమే గుర్తుతెలియని వ్యక్తికి విక్రయించినట్లు పేర్కొన్నాడు. సోషల్ మీడియాలో వీడియో వైరల్ కావడంతో పోలీసులు స్పందించి విచారణ చేపట్టారు. వీడియో పోస్టు చేసిన మొబైల్ ఫోన్‌ను స్వాధీనం చేసుకున్నారు. ఈ ఘటనపై మావల పోలీస్ స్టేషన్‌లో క్రైమ్ నంబర్ 695/2026, ఆయుధాల చట్టం సెక్షన్ 4 ఆర్/ డబ్ల్యూ 25(2 బి)(బి) కింద కేసు నమోదు చేసి ఇద్దరు నిందితులను అరెస్టు చేసే రిమాండ్ కు తరలించడం జరిగిందని తెలిపారు.సోషల్ మీడియాను బాధ్యతాయుతంగా వినియోగించాలి. ప్రజలను భయభ్రాంతులకు గురిచేసేలా ఆయుధాలను ప్రదర్శించడం, వాటితో వీడియోలు చిత్రీకరించి ప్రచారం చేయడం వంటి చర్యలకు పాల్పడవద్దని మావల ఎస్హెచ్ఓ బి.డి. ప్రేమ్ కుమార్ హెచ్చరించారు. చట్టవిరుద్ధ కార్యకలాపాలకు పాల్పడే వారిపై చట్ట ప్రకారం చర్యలు తీసుకుంటామని స్పష్టం చేశారు.