దసరా, సద్దుల బతుకమ్మ ఏర్పాట్లపై సమీక్ష.. భక్తులకు ఇబ్బందులు కలగకుండా చర్యలు చేపట్టాలని సూచన
వేములవాడ బ్యూరో : రాజన్న సిరిసిల్ల జిల్లా వేములవాడలోని శ్రీ రాజరాజేశ్వర స్వామివారి అనుబంధ ఆలయమైన శ్రీ భీమేశ్వర స్వామిని దేవాదాయ ధర్మాదాయ శాఖ కమిషనర్, ఇన్‌చార్జి ప్రిన్సిపల్ సెక్రటరీ హనుమంతరావు కుటుంబ సమేతంగా దర్శించుకున్నారు. ఈ సందర్భంగా స్వామివారికి ప్రత్యేక పూజలు నిర్వహించి, కోడె మొక్కులు చెల్లించుకున్నారు. ఆలయానికి చేరుకున్న కమిషనర్ దంపతులకు ఆలయ డీఈవో ప్రతాప నవీన్ కుమార్ పూల మొక్కను అందించి స్వాగతం పలికారు. అర్చకులు, వేద పండితులు పూర్ణకుంభంతో ఆహ్వానించి, వేద మంత్రోచ్ఛారణల మధ్య ఆశీర్వచనం అందించారు. అనంతరం స్వామివారి శేషవస్త్రం, లడ్డూ ప్రసాదాన్ని అధికారులు అందజేశారు.
పండుగ ఏర్పాట్లపై సమీక్ష
దర్శనం అనంతరం ఆలయ ఉద్యోగులతో సమావేశమైన కమిషనర్ హనుమంతరావు రాబోయే దసరా, సద్దుల బతుకమ్మ వేడుకల ఏర్పాట్లపై సమీక్షించారు. ఆలయానికి వచ్చే భక్తులకు ఎలాంటి అసౌకర్యం కలగకుండా అవసరమైన సౌకర్యాలు కల్పించాలని, పండుగ ఏర్పాట్లను పకడ్బందీగా పూర్తి చేయాలని అధికారులకు సూచించారు.
About The Author
.jpeg)
.jpg)
