రాజన్న సిరిసిల్ల : పట్టణంలోని కార్గిల్ లేక్ అభివృద్ధి పనులకు కేంద్ర హోంశాఖ సహాయ మంత్రి బండి సంజయ్ శుక్రవారం శంకుస్థాపన చేశారు. రూ.1.32 కోట్ల వ్యయంతో చేపట్టనున్న ఈ అభివృద్ధి పనుల ద్వారా సరస్సు పరిసరాల్లో మౌలిక వసతులను మెరుగుపర్చడంతో పాటు ప్రజలకు అవసరమైన సౌకర్యాలు కల్పించనున్నట్లు తెలిపారు. ఈ సందర్భంగా బండి సంజయ్ మాట్లాడుతూ, కేంద్ర ప్రభుత్వం పట్టణాల సమగ్ర అభివృద్ధికి ప్రత్యేక ప్రాధాన్యత ఇస్తోందన్నారు. ప్రజలకు నాణ్యమైన మౌలిక వసతులు అందించడమే లక్ష్యంగా అభివృద్ధి కార్యక్రమాలను వేగవంతంగా అమలు చేస్తున్నామని పేర్కొన్నారు. కార్గిల్ లేక్ అభివృద్ధి పూర్తయిన అనంతరం స్థానిక ప్రజలకు, సందర్శకులకు మెరుగైన వాతావరణం, విశ్రాంతి సౌకర్యాలు అందుబాటులోకి వస్తాయని తెలిపారు. కార్యక్రమంలో ప్రజాప్రతినిధులు, అధికారులు, బీజేపీ నాయకులు, స్థానికులు పాల్గొన్నారు.
.jpeg)
.jpg)
