నాగర్ కర్నూల్ :బిజినాపల్లి :వరుణుడు కరుణించి వర్షాలు సమృద్ధిగా కురవాలని, పాడిపంటలు బాగా పండాలని బిజినాపల్లి మండలం మంగనూరు గ్రామంలో మత్స్య సహకార సంఘం మహిళలు కప్పతల్లికి ప్రత్యేక పూజలు నిర్వహించారు.గ్రామంలోని కప్పమ్మకు పూజలు చేసి, కప్పను ఊరేగింపుగా తీసుకెళ్లారు. మహిళలు ఇంటింటికి తిరుగుతూ కప్పమ్మకి నీళ్లు పోసి,పసుపు-కుంకుమతో పూజించుతూ వాన దేవుని బొడ్డెమ్మ పాటలు పాడుతూ వర్షాలు కురవాలని, పంటలు సమృద్ధిగా పండాలని వేడుకుంటున్నారు .ఈ కార్యక్రమంలో పిట్టల బుడ్డమ్మ, గూడు చేన్నమ్మ, షాగల చేన్నమ్మ, చింతకాయల అలివేల, చింతకాయల శివమ్మ, చింతకాయల భాగ్యమ్మ, గూడు చంద్రమ్మ, పినమోని నాగమణి, మణెమ్మ తదితరులు పాల్గొన్నారు.
.jpeg)
