మాజీ సర్పంచి మృతికి.

ఉపాధి హామీ కూలీల సంతాపం.

జయశంకర్ భూపాలపల్లి జిల్లా కాటారం మండలం కాటారం గ్రామపంచాయతీ మాజీ సర్పంచ్ కొర్ర మనోహర్ నాయక్ ఇటీవల అనారోగ్యంతో మృతి చెందగా ఆయన ఆత్మకు శాంతి కలగాలని కోరుతూ సోమవారం ఉపాధి హామీ కూలీలు సంతాపం తెలియజేశారు. కాటారం, గారేపల్లి గ్రామాలకు చెందిన ప్రజలు ఉపాధి హామీ పనులు చేస్తుండగా మాజీ సర్పంచి కొర్ర మనోహర్ నాయక్ స్మారకార్థం రెండు నిమిషాలు మౌనం పాటించి నివాళులు అర్పించారు. మనోహర్ నాయక్ పదవీకాలంలో పేద, బడుగు బలహీన వర్గాలకు సేవలు అందించారని పార్టీలకు అతీతంగా పలువురు నాయకులు కొనియాడారు. ఆయన కుమారుడు కొర్ర శ్రీకాంత్ ప్రస్తుత పంచాయతీ పాలకవర్గంలో వార్డు సభ్యులుగా ఉన్నారు. కాగా మనోహర్ నాయక్ సేవలను స్మరిస్తూ పలువురు కంట తడి పెట్టుకున్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.