సిరిపురం పాల సంఘం ఎన్నికల్లో బస్వాగాని మహేందర్ గౌడ్ ఘన విజయం
లింగాల గణపురం (జనగాం) : సిరిపురం గ్రామంలో నిర్వహించిన విజయ పాల ఉత్పత్తి సహకార సంఘం ఎన్నికల్లో బీఆర్ఎస్ పార్టీ ప్యానల్ అభ్యర్థి *బస్వాగాని మహేందర్ గౌడ్* ఘన విజయం సాధించారు. గ్రామ ప్రజలు, పాల ఉత్పత్తిదారులు అందించిన విశేష మద్దతుతో ఆయన విజయ కేతనం ఎగురవేశారు.
విజయానంతరం మాట్లాడిన మహేందర్ గౌడ్, తనను గెలిపించిన ప్రతి ఓటరుకు, కార్యకర్తలకు, శ్రేయోభిలాషులకు హృదయపూర్వక కృతజ్ఞతలు తెలిపారు. తనపై ఉంచిన నమ్మకాన్ని నిలబెట్టుకుంటూ పాల ఉత్పత్తిదారుల సంక్షేమం, పాల సంఘం అభివృద్ధి కోసం నిరంతరం కృషి చేస్తానని హామీ ఇచ్చారు.ఈ విజయంతో గ్రామంలో బీఆర్ఎస్ శ్రేణుల్లో ఆనందోత్సాహాలు నెలకొన్నాయి. నాయకులు, కార్యకర్తలు మహేందర్ గౌడ్ను అభినందిస్తూ శుభాకాంక్షలు తెలిపారు.
About The Author
నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.


