ఆదిలాబాద్ బ్యూరో : ప్రజలందరిపై దుర్గమ్మ ఆశీస్సులు ఉండాలని అందరూ సుఖ శాంతులతో వర్ధిల్లాలని ఆదిలాబాద్ కాంగ్రెస్ పార్టీ అసెంబ్లీ ఇంచార్జి కంది శ్రీనివాస రెడ్డి సతీమణి కంది మౌనా శ్రీనివాస రెడ్డి ఆకాంక్షించారు. సనాతన హిందూ ఉత్సవ సమితి ఆధ్వర్యంలో ఆదివారం ఆదిలాబాద్ డైట్ మైదానంలో బతుకమ్మ, దసరా వేడుకల సందర్భంగా నిర్వహించిన కార్యక్రమానికి ఆమె ముఖ్య అతిథిగా హాజరై వేడుకలకు సమితి సభ్యులతో కలిసి భూమి పూజ చేసారు. ఈ సందర్భంగా ప్రజలకు దసరా, మహిళలకు బతుకమ్మ పండగ శుభాకాంక్షలు తెలిపారు. సనాతన హిందూ ఉత్సవ సమితి హిందూ సంస్కృతీ సాంప్రదాయాలను కాపాడుతూ పట్టణంలో అనేక హిందూ పండగల ఉత్సవాలు నిర్వహిస్తోందన్నారు. క్రమం తప్పకుండా గత పధ్నాలుగేళ్లుగా ఇక్కడ దసరా శరన్నవరాత్రోత్సవాలు చేపడుతూ ఆ ఆనవాయితీని కొనసాగిస్తోన్న సమితి సేవలను ఆమె అభినందించారు. ఇలాగే మున్ముందు మరిన్ని ఉత్సవాలు చేపట్టాలని అన్నారు. ప్రజలందరూ దసరా బతుకమ్మ పండగలను ఆనందోత్సహాలతో జరుపుకోవాలని కంది మౌనా శ్రీనివాస రెడ్డి ఆకాంక్షించారు.
About The Author
.jpeg)
.jpeg)
