బోడుప్పల్ (మేడ్చల్) : దుర్గా నవరాత్రి ఉత్సవాలను పురస్కరించుకుని మేడిపల్లి పరిధిలోని ఎన్ఐఎన్ కాలనీలో ఆధ్యాత్మిక శోభ సంతరించుకుంది. కాలనీలో గంగపుత్ర సంఘం ఆధ్వర్యంలో మూడో సంవత్సరం అమ్మవారి ప్రతిష్టాపన కార్యక్రమాన్ని భక్తిశ్రద్ధలతో నిర్వహించారు. వేదమంత్రాలు, పూజా కార్యక్రమాల నడుమ అమ్మవారిని ప్రతిష్టించడంతో కాలనీలో పండుగ వాతావరణం నెలకొంది. భక్తులు పెద్ద సంఖ్యలో పాల్గొని అమ్మవారిని దర్శించుకుని ప్రత్యేక పూజలు నిర్వహించారు.దుర్గా నవరాత్రి ఉత్సవాల్లో భాగంగా తొమ్మిది రోజుల పాటు అమ్మవారిని వివిధ రూపాల్లో అలంకరించి ప్రత్యేక పూజలు నిర్వహించనున్నట్లు నిర్వాహకులు తెలిపారు. ప్రతిరోజూ అమ్మవారికి పూజలు, హారతులు, ఇతర ఆధ్యాత్మిక కార్యక్రమాలను నిర్వహించడంతో పాటు భక్తులకు అమ్మవారి దర్శనానికి ఏర్పాట్లు చేస్తున్నట్లు పేర్కొన్నారు. నవరాత్రి ఉత్సవాల్లో భాగంగా హోమాలు, అన్నదాన కార్యక్రమాలతో పాటు పలు ధార్మిక కార్యక్రమాలను నిర్వహించనున్నట్లు గంగపుత్ర సంఘం ప్రతినిధులు వెల్లడించారు.అమ్మవారి ఆశీస్సులు ప్రజలందరిపై ఉండాలని, ప్రతి ఒక్కరూ సుఖసంతోషాలతో, ఆయురారోగ్యాలతో జీవించాలని ఆకాంక్షించారు.
About The Author
.jpeg)
