నాగర్ కర్నూల్ జిల్లాకు ఆరెంజ్ అలర్ట్ - మురాసు తుపాను ఎఫెక్ట్

నాగర్‌కర్నూల్ : బంగాళాఖాతంలో ఏర్పడిన మురాసు తుపాను ప్రభావంతో నాగర్‌కర్నూల్ జిల్లాకు భారత వాతావరణ శాఖ ఆరెంజ్ అలర్ట్ జారీ చేసినట్లు కలెక్టర్ హేమంత్ కేశవ్ పాటిల్ తెలిపారు. నవంబర్ 2 ఉదయం 8:30 నుంచి నవంబర్ 3 ఉదయం 8:30 వరకు జిల్లాలో భారీ నుంచి అతి భారీ వర్షాలు కురిసే అవకాశం ఉందని, నవంబర్ 3, 4 తేదీల్లో ఎల్లో అలర్ట్ జారీ చేశామని కలెక్టర్ తెలిపారు. నవంబర్ 2 రాత్రి నుంచి 3 తెల్లవారుజామున ఆంధ్రప్రదేశ్ తీరం (నెల్లూరు - ఒంగోలు మధ్య) వద్ద తుపాను తీరాన్ని దాటనుందని వెల్లడించారు. గంటకు 60-90 కి.మీ వేగంతో ఈదురుగాలులు వీచే అవకాశం ఉందని హెచ్చరించారు.

కలెక్టర్ సూచనలు: అత్యవసరమైతే తప్ప ప్రజలు బయటకు రావద్దని, చెట్లు, విద్యుత్ స్తంభాల కింద నిలబడవద్దని, వాగులు, వంకలు దాటవద్దని, రైతులు, పశువుల విషయంలో జాగ్రత్తగా ఉండాలని సూచించారు. సహాయం కోసం హెల్ప్‌లైన్ 08540-230201 కు సంప్రదించాలని కోరారు

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.