బెల్లంపల్లిలో పోలీసుల కార్డన్‌ అండ్‌ సెర్చ్‌

75 ద్విచక్ర వాహనాలు, 2 ఆటోలు స్వాధీనం

బెల్లంపల్లి, (మంచిర్యాల జిల్లా) : బెల్లంపల్లి టౌన్‌-2 పోలీస్‌ స్టేషన్‌ పరిధిలోని రైల్వే రాడగంబాల బస్తీలో పోలీసులు బుధవారం ఆకస్మికంగా కార్డన్‌ అండ్‌ సెర్చ్‌ ఆపరేషన్‌ నిర్వహించారు. బెల్లంపల్లి ఏసీపీ ఆధ్వర్యంలో బెల్లంపల్లి రూరల్‌ సీఐ, టౌన్‌-1 ఇన్‌స్పెక్టర్‌, టౌన్‌-2 ఎస్‌ఐతో పాటు టౌన్‌-1, టౌన్‌-2, తల్లగురిజాల పోలీస్‌ స్టేషన్ల సిబ్బంది ఈ తనిఖీల్లో పాల్గొన్నారు. ఈ సందర్భంగా సరైన ధ్రువపత్రాలు లేని 75 ద్విచక్ర వాహనాలు, రెండు ఆటోరిక్షాలను పోలీసులు స్వాధీనం చేసుకున్నారు. అనంతరం స్థానిక యువకులు, విద్యార్థులు, ప్రజలకు మాదకద్రవ్యాల దుర్వినియోగం, సైబర్‌ నేరాలు, రహదారి భద్రత, ట్రాఫిక్‌ నిబంధనలు, ఆస్తి నేరాలు, మహిళలు, వ్యక్తులపై జరిగే నేరాలపై ఏసీపీ అవగాహన కల్పించారు. యువత చెడు వ్యసనాలకు దూరంగా ఉంటూ, విద్యకు ప్రాధాన్యమిచ్చి భవిష్యత్తును తీర్చిదిద్దుకోవాలని సూచించారు. ఈ కార్యక్రమంలో సుమారు 100 మంది పాల్గొన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.