పోలీస్ అమరవీరుల వారోత్సవాల్లో యువత రక్తదానం

బెల్లంపల్లి : పోలీస్ అమరవీరుల వారోత్సవాలను పురస్కరించుకుని బెల్లంపల్లి ఏసీపీ కిరణ్ కుమార్ ఆధ్వర్యంలో నిర్వహించిన రక్తదాన శిబిరంలో యువ నాయకుడు గొర్ల అఖిల్ సుమారు 20 మంది యువకులతో కలిసి రక్తదానం చేశారు. ఈ సందర్భంగా యువత సామాజిక బాధ్యతగా రక్తదానానికి ముందుకు రావడం అభినందనీయమనిసీఐ శ్రీనివాసరావు మాట్లాడుతూ పోలీస్ అమరవీరుల త్యాగాలను స్మరించుకుంటూ ఈ రక్తదాన శిబిరాన్ని నిర్వహించినట్లు తెలిపారు. రక్తదానం ద్వారా ఆపదలో ఉన్న వారి ప్రాణాలను కాపాడవచ్చని, యువత స్వచ్ఛందంగా ముందుకు వచ్చి రక్తదానం చేయడం అభినందనీయమని అన్నారు. ప్రతి ఒక్కరూ సామాజిక బాధ్యతగా రక్తదానంపై అవగాహన పెంచుకోవాలని పిలుపునిచ్చారు. యువ నాయకుడు గొర్ల అఖిల్ మాట్లాడుతూ రక్తదానం ప్రాణదానంతో సమానమని, అత్యవసర సమయాల్లో రక్తం అందక ఎవరూ ప్రాణాలు కోల్పోకూడదని ప్రతి ఒక్కరూ రక్తదానంపై అవగాహన పెంచుకుని ముందుకు రావాలని పిలుపునిచ్చారు. సమాజానికి ఉపయోగపడే సేవా కార్యక్రమాల్లో యువత చురుకుగా పాల్గొనాలని అన్నారు.

About The Author

Vision Andhra Telugu Daily

నిజాయితీ, నిష్పాక్షికత, విశ్వసనీయత అనే మూడు విలువలను ఆధారంగా చేసుకుని పనిచేస్తున్న వార్తా సంస్థ. సమాజంలో జరుగుతున్న ప్రతి ముఖ్యమైన పరిణామాన్ని వేగంగా, ఖచ్చితంగా, బాధ్యతాయుతంగా పాఠకులకు అందించడం మా ప్రధాన లక్ష్యం.