ఉట్నూర్ : పర్యావరణ పరిరక్షణ, ఎలక్ట్రానిక్ వ్యర్థాల సక్రమ నిర్వహణపై విద్యార్థులకు అవగాహన కల్పించే లక్ష్యంతో ఉట్నూర్ మండలంలోని లింగోజి తండా ఎక్స్‌రోడ్‌లో ఉన్న న్యూ నలంద ఇంగ్లీష్ మీడియం పాఠశాలలో బుధువారం ఈ-వేస్ట్ సేకరణ డ్రైవ్ నిర్వహించారు.
ఈ కార్యక్రమంలో భాగంగా ఉపయోగించని మొబైల్ ఫోన్లు, ఛార్జర్లు, పాడైన ఎలక్ట్రానిక్ పరికరాలు, బ్యాటరీలు తదితర ఈ-వ్యర్థాలను సేకరించడం ద్వారా వాటిని బాధ్యతాయుతంగా పారవేయాల్సిన అవసరాన్ని వివరించారు. ఈ-వ్యర్థాలను సాధారణ చెత్తలో కలపకుండా, వాటిని ప్రత్యేకంగా సేకరించి అధీకృత రీసైక్లింగ్ కేంద్రాలకు అందించాలని సూచించారు.
కరెస్పాండంట్ జాదవ్ వసంత్ రావు మాట్లాడుతూ..
ఈ-వ్యర్థాల వల్ల పర్యావరణానికి కలిగే నష్టాలు, వాటి నిర్వహణలో తీసుకోవాల్సిన జాగ్రత్తలపై విద్యార్థులకు అవగాహన కల్పించారు. పర్యావరణ పరిరక్షణలో ప్రతి ఒక్కరూ భాగస్వాములు కావాలని, ఇలాంటి కార్యక్రమాలను తమ ఇళ్లలోనూ ప్రోత్సహించాలని సూచించారు.
ఈ కార్యక్రమం ద్వారా విద్యార్థుల్లో పర్యావరణ స్పృహ పెంపొందించడంతో పాటు, బాధ్యతాయుతమైన వ్యర్థాల నిర్వహణపై అవగాహన కల్పించడమే లక్ష్యంగా పెట్టుకున్నారు.ఈ కార్యక్రమంలో ఉపాధ్యాయులు, విద్యార్థులు పాల్గొన్నారు.
.jpeg)
