నాగర్ కర్నూలు : 2026 ఖరీఫ్ సీజన్‌కు సంబంధించి నాగర్ కర్నూల్ జిల్లాలో 13 మండలాలను కరువు ప్రభావిత ప్రాంతాలుగా రాష్ట్ర ప్రభుత్వం గుర్తించింది. రాష్ట్రవ్యాప్తంగా 31 జిల్లాల్లో 365 మండలాలను కరువు ప్రభావిత ప్రాంతాలుగా ప్రకటిస్తూ రెవెన్యూ (విపత్తుల నిర్వహణ) శాఖ ఈ నెల 24న జీఓ ఎంఎస్ నం.03 జారీ చేసింది. ఖరీఫ్ సీజన్‌లో వర్షపాతం లోటు, పంటల సాగు విస్తీర్ణం తగ్గడం, నేలలో తేమ శాతం తక్కువగా ఉండటం, ఉపగ్రహ చిత్రాల (శాటిలైట్) డేటా ఆధారంగా కరువు తీవ్రతను అంచనా వేసి ఈ మండలాలను గుర్తించినట్లు అధికారులు తెలిపారు. కరువు ప్రభావిత మండలాల్లో రైతులకు అవసరమైన అన్ని సహాయక చర్యలు చేపట్టాలని ప్రభుత్వం ఆదేశించింది. ముఖ్యంగా రైతులకు రుణ సదుపాయాలు కల్పించడం, ఉపాధి హామీ పనులు కల్పించడం, తాగునీటి, పశుగ్రాసం కొరత లేకుండా చూడాలని సూచించింది. అలాగే వ్యవసాయ, ఉద్యానవన, పశుసంవర్ధక, నీటిపారుదల శాఖల అధికారులు సమన్వయంతో పనిచేసి, క్షేత్రస్థాయిలో పరిస్థితిని ఎప్పటికప్పుడు పర్యవేక్షించాలని ఆదేశించింది.
కరువు ప్రభావిత మండలాలు: చారకొండ, వెల్దండ, ఊరుకొండ, పెద్దకొత్తపల్లి, వంగూరు, అమరాబాద్, పదర, బల్మూర్, లింగాల, కోడేరు, బిజినపల్లి, కల్వకుర్తి తదితర మండలాలు.
.jpeg)
