జిల్లా వైద్య ఆరోగ్యశాఖ అధికారి కార్యాలయం, వరంగల్

పర్వతగిరి :

వరంగల్ జిల్లా   వైద్యఆరోగ్యశాఖ అధికారి డాక్టర్ బి. రాజా రెడ్డి గారు పర్వతగిరి ప్రాథమిక ఆరోగ్య కేంద్రంలో నిర్వహిస్తున్న ఆరోగ్య మహిళా క్లినిక్‌ను పర్యవేక్షించి, అక్కడ అందిస్తున్న వైద్య సేవలను సమీక్షించారు.

ఈ సందర్భంగా క్లినిక్‌లోని ఔట్ పేషెంట్ (OP) రిజిస్టర్, ల్యాబొరేటరీ రిజిస్టర్ మరియు ఐస్లైన్డ్  రెఫ్రిజిరేటర్ (ILR)ను పరిశీలించారు. రికార్డుల నిర్వహణ, ప్రయోగశాల సేవలు, టీకాల నిల్వకు సంబంధించిన కోల్డ్ చైన్ నిర్వహణ తదితర అంశాలను తనిఖీ చేశారు.

ఆరోగ్య మహిళా క్లినిక్‌కు వచ్చే మహిళలకు నాణ్యమైన వైద్య సేవలు అందించాలని, అవసరమైన వైద్య పరీక్షలను సక్రమంగా నిర్వహించాలని, అన్ని రిజిస్టర్లను ఎప్పటికప్పుడు నవీకరించాలని సిబ్బందికి సూచించారు. అదేవిధంగా, ఆరోగ్య మహిళా కార్యక్రమానికి సంబంధించిన అన్ని పనితీరు సూచికలను (Performance Indicators) సమీక్షిస్తూ, ప్రతి సూచికలో మెరుగైన ఫలితాలు సాధించే దిశగా కృషి చేయాలని ఆదేశించారు.

ప్రభుత్వం అమలు చేస్తున్న ఆరోగ్య కార్యక్రమాల లక్ష్యాలను సాధించేందుకు వైద్యాధికారులు, సిబ్బంది సమన్వయంతో పనిచేస్తూ, ప్రజలకు మెరుగైన వైద్య సేవలు అందించాలని డాక్టర్ బి. రాజా రెడ్డి గారు సూచించారు.

ఈ తనిఖీలో పర్వతగిరి ప్రాథమిక ఆరోగ్య కేంద్ర వైద్యాధికారులు డాక్టర్ వి. ఉదయ్ రాజ్, డాక్టర్ జె. మౌనిక, నర్సింగ్ ఆఫీసర్ కె. రాజిత, ల్యాబ్ టెక్నీషియన్ రాజు మరియు ఇతర ఆరోగ్య సిబ్బంది పాల్గొన్నారు.