సిర్గాపూర్  : సిర్గాపూర్ గ్రామ రైతు వేదికలో ఈరోజు హెర్బిసైడ్ టాలరెంట్ (హాచ్ టీ ) పత్తి సాగు వల్ల కలిగే ప్రతికూల ప్రభావాలపై, భూసార పరీక్ష కార్డు సిఫారసుల ఆధారంగా రసాయన ఎరువుల వినియోగంపై మరియు ప్రకృతి వ్యవసాయం గురించి రైతులకు శిక్షణ కార్యక్రమం నిర్వహించారు. జాతీయ ఆహార భద్రత పథకం లో భాగంగా జొన్న పంటల యాజమాన్య పద్ధతులపై ప్రత్యేక అవగాహన కార్యక్రమం చేపట్టారు. పీఎం కిసాన్ లబ్ధిదారులు ఫార్మర్ రిజిస్ట్రీ నమోదు తప్పనిసరి అని ఏఓ తెలియజేశారు. రైతులు ప్రభుత్వ వ్యవసాయ పథకాలను సద్వినియోగం చేసుకోవాలని కోరారు. ఈ కార్యక్రమంలో మండల వ్యవసాయ అధికారి హరికృష్ణ, వ్యవసాయ విస్తరణ అధికారి భాస్కర్, సిర్గాపూర్ గ్రామ ఉపసర్పంచ్ బిక్షపతి, కృష్ణ మరియు గ్రామ రైతులు పాల్గొన్నారు.

అందోల్ : సంగారెడ్డి జిల్లా వట్ పల్లి మండలం భూత్కూర్ గ్రామ మజీద్ కు రంజాన్ నెల పురస్కరించుకొని మైనార్టీ యువకుల విన్నపం మేరకు జెస్సి గ్రెస్సి ఫౌండషన్ ఫౌండర్ అధ్యక్షులు,వట్ పల్లి మండల బిఆర్ఎస్ పార్టీ యువ నాయకులు తలారి శ్రీనివాస్ చేతులమీదుగా మజీద్ మౌల్ సాబ్ కు అందజేశారు.కార్యక్రమంలో మైనార్టీ యువకులు పాల్గొన్నారు.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                    

జహీరాబాద్ : శ్రీ కేతకి సంగమేశ్వర స్వామి దేవాలయంలో ఆదివారం చిన్న సినిమా బృందం స్వామివారిని దర్శించుకుంది. దక్షిణ కాశీగా ప్రసిద్ధి చెందిన ఈ పుణ్యక్షేత్రంలో ప్రత్యేక పూజలు నిర్వహించి ఆశీస్సులు పొందారు. ఈ సందర్భంగా ప్రొడ్యూసర్ మహమ్మద్ జాంగిర్, డైరెక్టర్ ఎస్కే శివలింగ్, కెమెరామెన్ డి.ఓ.పి శివ గౌడ్ ఎల్లంకి, ప్రదీప్, రవి తదితరులు పాల్గొన్నారు. సినిమా బృందాన్ని ఆలయ నిర్వాహకులు సన్మానించి తీర్థప్రసాదాలు అందజేశారు. కార్యక్రమంలో స్థానిక సర్పంచ్ వినోద్ బాలరాజ్, మాజీ సర్పంచ్ జగదీశ్వర్ మరియు గ్రామ ప్రముఖులు పాల్గొన్నారు.

సంగారెడ్డి,  : మున్సిపల్ ఎన్నికల నేపథ్యంలో తాత్కాలికంగా నిలిపివేసిన ప్రజావాణి కార్యక్రమాన్ని ఫిబ్రవరి 23వ తేదీ (సోమవారం) నుండి యథావిధిగా నిర్వహించనున్నట్లు జిల్లా కలెక్టర్ పి. ప్రావీణ్య శనివారం ఒక ప్రకటనలో తెలిపారు. ప్రజలు ఈ అవకాశాన్ని సద్వినియోగం చేసుకుని తమ సమస్యల పరిష్కారానికి ప్రజావాణి కార్యక్రమంలో పాల్గొనాలని జిల్లా కలెక్టర్ సూచించారు.

సంగారెడ్డి  : ఈ సందర్భంగా మంత్రి దామోదర్ రాజనర్సింహ మాట్లాడుతూ.. ఆందోల్ నియోజక వర్గాన్ని ఎడ్యుకేషనల్, హెల్త్ హబ్ గా తీర్చిదిద్దామన్నారు. సింగూర్ ప్రాజెక్టు ద్వారా నియోజకవర్గంలో 40 వేల ఎకరాల ఆయకట్టకు సాగునీరు అందిస్తున్నామన్నారు.  నియోజకవర్గంలో lift irrigation కింద మరో లక్ష ఎకరాల ఆయకట్టకు సాగునీరు అందించేందుకు ప్రణాళికలు రూపొందించామన్నారు. అలాగే,  నిరుద్యోగులకు, మహిళలకు పెద్ద ఎత్తున ఉపాధి అవకాశాలను కల్పించడమే లక్ష్యంగా పరిశ్రమల ఏర్పాటుకు కృషి చేస్తున్నామన్నారు. RRD డిస్టలరీ ని ఏర్పాటుచేసిన యాజమాన్యాన్ని అభినందించారు.  పరిశ్రమలోని అన్ని విభాగాలను పరిశీలించారు . పరిసర ప్రాంతాలలో ఉన్న వారికి ఈ పరిశ్రమలో ఉపాధి కల్పించడాన్ని మంత్రి స్వాగతించారు. ఈ పరిశ్రమ మరింత విస్తరించి రానున్న రోజుల్లో మరో 500 మందికి ఉద్యోగ, ఉపాధి అవకాశాలు కల్పించేందుకు దోహద పడాలని మంత్రి దామోదర్ రాజనర్సింహ ఆకాంక్షించారు. నియోజకవర్గంలో పరిశ్రమల ఏర్పాటుకు ముందుకు వచ్చే కంపెనీలకు ప్రోత్సాహం అందించేందుకు కృషి చేస్తామన్నారు.  ఈ కార్యక్రమంలో ఆంధ్రప్రదేశ్ మాజీ మంత్రి పేర్ని నాని, ఎమ్మెల్సీ భాను ప్రసాద్, మాజీ ఎమ్మెల్సీ భూపాల్ రెడ్డి, మాజీ ఎమ్మెల్యే విద్యాసాగర్ రావు, RRD డిస్టలరీ MD కొండల నిపుణ్ రెడ్డి, కంపెనీ డైరెక్టర్ త్రిష, మున్సిపల్ చైర్మన్ కృష్ణారెడ్డి, మార్కెట్ కమిటీ చైర్మన్ రామ్ రెడ్డి, బండ అభిలాష్ రెడ్డి తీగల నర్సిరెడ్డి సుధాకర్ రెడ్డి, వైస్ చైర్మన్ చిట్టిబాబు, ఆందోల్ జోగిపేట మున్సిపాలిటీ కి చెందిన పలువురుల కార్పొరేటర్లులు, స్థానిక ప్రజాప్రతినిధులు,  పాల్గొన్నారు.

జిన్నారం  : ముఖ్యమంత్రి రేవంత్ రెడ్డి నాయకత్వంలోని ప్రజా ప్రభుత్వం ప్రతి కుటుంబ అభివృద్ధి సంక్షేమం కోసం పనిచేస్తుందని మెదక్ పార్లమెంట్ కాంగ్రెస్ పార్టీ ఇంచార్జి నీలం మధు ముదిరాజ్ అన్నారు. జిన్నారం మున్సిపాలిటీ జంగంపేట, జిన్నారం, మంగంపేట్, ఊట్ల, నల్తూర్ సులక్పల్లి గ్రామాల పరిధిలోని వివిధ వార్డులలో కాంగ్రెస్ పార్టీ బలపరిచిన అభ్యర్థులను గెలిపించాలని నియోజకవర్గ ఇంచార్జ్ కాట శ్రీనివాస్ గౌడ్ తో కలిసి ప్రచారం నిర్వహించారు.ఈ సంధర్బంగా ఆయన మాట్లాడుతూ మున్సిపల్ ఎన్నికల్లో కాంగ్రెస్ పార్టీ అభ్యర్థులను గెలిపిస్తే మీకు కావాల్సిన అభివృద్ధి సంక్షేమం బాధ్యత మేము తీసుకుంటామని హామీ ఇచ్చారు. కాంగ్రెస్ ప్రభుత్వం ప్రతి ఇంటికి సంక్షేమం, అభివృద్ధి చేయాలనే తలంపుతో ఆరు గ్యారంటీలను అమలు చేస్తూ ప్రతి ఒక్కరికి సంక్షేమానికి కృషి చేస్తుందని కొనియాడారు. మహా లక్ష్మి పథకం ద్వారా ప్రతి మహిళకు ఉచిత బస్ ప్రయాణం తో పాటు పేదలకు గృహ లక్ష్మీ పథకం ద్వారా 200 యూనిట్ల వరకు ఉచిత విద్యుత్తు అందిస్తున్నామని తెలిపారు.నూతన మున్సిపాలిటీల అభివృద్ధి కోసం కాంగ్రెస్ ప్రభుత్వం 15 కోట్ల రూపాయల ప్రత్యేక నిధులను కేటాయించిన విషయాన్ని గుర్తు చేశారు.ఎన్నికలు పూర్తికాగానే ఈ నిధులతో ప్రజలకు కావాల్సిన మౌలిక సదుపాయాల అభివృద్ధి కొనసాగిస్తామని హామీ ఇచ్చారు. ఈ కార్యక్రమంలో స్థానిక నేతలు, అభ్యర్థులు, ప్రజలు తదితరులు పాల్గొన్నారు..

జహీరాబాద్  : జహీరాబాద్ మండల పరిధిలోని రాయి పల్లి చౌరస్తా వద్ద గురువారం ఉదయం ఘోర రోడ్డు ప్రమాదం చోటుచేసుకుంది. తెలంగాణ ఆర్టీసీకి చెందిన ఒక బస్సు, కర్ణాటక ఆర్టీసీకి చెందిన రెండు బస్సులు, అలాగే ఒక డీసీఎం వాహనం ఒకదానికొకటి ఢీకొన్నాయి. ఈ ప్రమాదంలో బస్సుల్లో ప్రయాణిస్తున్న ప్రయాణికులు తీవ్ర భయాందోళనకు గురయ్యారు. అయితే అదృష్టవశాత్తు ఈ ప్రమాదంలో ఎలాంటి ప్రాణ నష్టం జరగకపోవడంతో అందరూ ఊపిరి పీల్చుకున్నారు. స్వల్పంగా వాహనాలు దెబ్బతిన్నట్లు సమాచారం. ప్రమాదం జరిగిన వెంటనే స్థానికులు సంఘటనా స్థలానికి చేరుకుని సహాయక చర్యలు చేపట్టారు. సమాచారం అందుకున్న పోలీసులు అక్కడికి చేరుకుని ట్రాఫిక్‌ను క్రమబద్ధీకరించారు. ప్రమాదానికి గల కారణాలు ఇంకా తెలియాల్సి ఉండగా, దీనిపై పోలీసులు విచారణ చేపట్టారు.

అందోల్ /సంగారెడ్డి : జోగిపేట - అందోల్ మున్సిపాలిటీ ఎన్నికల సమరంలో బిఆర్ ఎస్ పార్టీ కీలక ఘట్టాన్ని పూర్తి చేసింది. అందోల్ మాజీ ఎమ్మెల్యే చంటి క్రాంతి కిరణ్  శ్రీ జోగినాథ్ స్వామి ఆలయంలో పూజలు నిర్వహించి మంగళవారం అభ్యర్థుల చేతికి పార్టీ బీ-ఫామ్‌ లు అందజేశారు. దీంతో మున్సిపల్ కోటపై ‘గులాబీ’ జెండా ఎగురవేయడమే లక్ష్యంగా ప్రచార పర్వం ఊపందుకుంది.బీ-ఫామ్‌లు అందుకున్న అభ్యర్థులు
01 వార్డు మన్నే చక్రపాణి,02 వార్డు జేన్న విజయ్ కుమార్,03 వార్డు పస్తం ప్రవీణ్, 04 వార్డు మల్కల మాదవి,05 వార్డు తాలుక విజయ లక్ష్మి, 06 వార్డు రొయ్యల నాగ రాణి,07 వార్డు మహ్మద్ షకీల్ ఖురేషి, 08 వార్డు రాచకొండ నాగ రత్నం గౌడ్, 09 వార్డు హాన్మంత్ రావుపేట శోభ నారాయణ గౌడ్,10 వార్డు చౌరీగారి విజయ లక్ష్మి,11 వార్డు బీర్ల లత,12 వార్డు అల్లే విద్య, 13 వార్డు పట్లురి శివ శేఖర్,14 వార్డు పల్లె నాగ జ్యోతి,15 వార్డు మహ్మద్ ఇమ్రాన్ ఖాన్,16 వార్డు గాజుల రవి కుమార్, 17 వార్డు కెడవత్ గణేష్,18 వార్డు కట్టెల నాగ జ్యోతి,19 గడిండ్ల భారతి విఠల్ గౌడ్,20 వార్డు డాకురి బుగుడాల నాగభూషణం లు ఎన్నికల బరిలో ఉన్నారు.వెంటనే ఎన్నికల అధికారులకు నామినేషన్లు సమర్పించాలని మాజీ ఎమ్మెల్యే క్రాంతి కిరణ్ సూచించారు. "అధికారికంగా బీ-ఫామ్‌లు అందాయి..6 గ్యారెంటీలు,420 దొంగ హామీలతో ప్రజలను మోసం చేసి అధికారంలోకి వచ్చిన కాంగ్రెస్ పార్టీ, రేవంత్ రెడ్డి ప్రభుత్వన్ని నిలదీయాలని అన్నారు. బిఆర్ఎస్ పార్టీ కేసీఆర్ ప్రభుత్వం చేసిన మంచి పనులను, అమలైన సంక్షేమ పథకాలు, వారు పొందిన లబ్దిని ఓటర్లకు గుర్తు చేసి, రానున్న రోజుల్లో మనం చేసే అభివృద్ధిని వివరించి ఓటర్ల ఆశీస్సులు పొందాలని పిలుపునిచ్చారు.వార్డుల వారీగా పెద్ద, చిన్న కార్యకర్త అని తేడా లేకుండా అందరిని సమన్వయం చేసుకుంటూ, ప్రత్యర్థుల వ్యూహాలను చిత్తు చేయాలని మాజీ ఎమ్మెల్యే క్రాంతి కిరణ్ అభ్యర్థులకు దిశానిర్దేశం చేశారు.జోగిపేట - అందోల్ మున్సిపాలిటీలోని అన్ని వార్డుల్లోనూ బిఆర్ఎస్ పార్టీ అభ్యర్థులు విజయకేతనం ఎగురవేస్తారని ఆయన ధీమా వ్యక్తం చేశారు.మాజీ ఎమ్మెల్యే చంటి క్రాంతి కిరణ్ చేతుల మీదుగా బీ-ఫామ్‌లు అందుకున్న అభ్యర్థులు రెట్టింపు ఉత్సాహంతో ప్రచార క్షేత్రంలోకి అడుగుపెట్టారు.ఈ కార్యక్రమంలో మున్సిపల్ ఎన్నికల ఇంచార్జ్, మాజీ గ్రంధాలయం చైర్మన్ నరహరీ రెడ్డి, సీనియర్ నాయకులు మాసన్ పల్లి నారాయణాయ,మాజీ వరం చైర్మన్ వీరా రెడ్డి,పట్టణ అధ్యక్షులు సారా శ్రీధర్,లక్ష్మికాంత్ రెడ్డి,చాపల వెంకటేశం,తదితరులు పాల్గొన్నారు.

అందోల్ /సంగారెడ్డి : జోగిపేట - అందోల్ మున్సిపాలిటీ ఎన్నికల్లో భాగంగా కాంగ్రెస్ పార్టీ బలపరిచిన 15 వార్డు అభ్యర్థిగా ఏ.సత్యనారాయణ (చిట్టీ బాబు ) తన ప్రచారంలో జోరుపేంచారు.ఈ సందర్బంగా వారు మాట్లాడుతూ కుల మతాలకు అతీతంగా ప్రజలకు సేవ చేయడం తన లక్ష్యం అని అన్నారు. ఎవరు ఆపదలో ఉన్న తాను అండగా ఉంటానని, వార్డు అభివృద్ధికి తనవంతుగా కృషిచేస్తానని తెలిపారు.తాను ప్రజా సేవకున్ని మిలో ఒక్కడిని విన్నుతంగా ప్రచారం చేస్తున్నారు. ఈసారి కాంగ్రెస్ పార్టీ కౌన్సిలర్ లను గెలిపించి మున్సిపల్ చైర్మన్ కైవసం చేసుకోవాలని అన్నారు.పెద ప్రజలకు అండగా ఉండేందుకు తనను గెలిపించాలని ఓటర్లను కోరారు.

అందోల్ /సంగారెడ్డి : తెలంగాణ రాష్ట్ర సాధకుడు, తెలంగాణ తొలి ముఖ్యమంత్రి కేసీఆర్ కు సిట్ విచారణకు పిలవడం ప్రజాస్వామ్యానికి విరుద్ధమని అందోల్ మాజీ ఎమ్మెల్యే, బిఆర్ఎస్ పార్టీ ఇంచార్జి చంటి క్రాంతి కిరణ్ తీవ్రంగా ఖండించారు.తెలంగాణ రాష్ట్రాన్ని సాధించి పెట్టిన నాయకుడిని రాజకీయ కక్షతో విచారణ పేరుతో వేధించడం తగదని ఆయన అన్నారు.ప్రజల ఆకాంక్షలు, ఉద్యమాల త్యాగాలతో సాధించిన తెలంగాణను అభివృద్ధి పథంలో నడిపించిన కేసీఆర్ పేరు,ప్రతిష్ఠను దెబ్బతీయాలనే దురుద్దేశ్యంతోనే ఈ సిట్ విచారణ చేపట్టారని విమర్శించారు.ఇది పూర్తిగా రాజకీయ ప్రతీకార చర్యగా ఆయన అభివర్ణించారు.ప్రజాస్వామ్య పరిరక్షణ కోసం బిఆర్ఎస్ పార్టీ శ్రేణుల పోరాటాలు ఇలానే కొనసాగుతాయని తెలిపారు. బిఆర్ఎస్ పార్టీ, కేసీఆర్ పై జరుగుతున్న అన్యాయాన్ని ప్రజలు గమనిస్తున్నారని,రేవంత్ రెడ్డి ప్రభుత్వనికి తగిన సమయంలో తగిన సమాధానం ప్రజలు ఇస్తారని పేర్కొన్నారు.ఈ కార్యక్రమంలో బిఆర్ఎస్ పార్టీ అందోల్ - జోగిపేట పట్టణ అధ్యక్షులు,సీనియర్ నాయకులు,కార్యకర్తలు పెద్ద సంఖ్యలో పాల్గొన్నారు.

జహీరాబాద్  : కేసీఆర్‌కు సిట్ విచారణ పేరుతో ఇబ్బందులు పెడుతున్నారని నిరసిస్తూ జహీరాబాద్ పట్టణంలో ఎమ్మెల్యే మాణిక్‌రావు స్థానిక చౌరస్తా వద్ద ధర్నా చేపట్టారు. ధర్నా సందర్భంగా నాయకులు, కార్యకర్తలను అదుపులోకి తీసుకునేందుకు పోలీసులు ప్రయత్నించగా ఉద్రిక్త పరిస్థితి నెలకొంది. పోలీసులు–కార్యకర్తల మధ్య తోపులాట చోటుచేసుకుంది. పరిస్థితి ఉద్రిక్తంగా మారడంతో చివరికి ఎమ్మెల్యే మాణిక్‌రావుతో పాటు పలువురు కార్యకర్తలను పోలీసులు అరెస్ట్ చేశారు. జహీరాబాద్ పట్టణంలో ఉద్రిక్త వాతావరణం నెలకొంది.

అందోల్ /సంగారెడ్డి : తెలంగాణ రాష్ట్ర మాజీ ముఖ్యమంత్రి కేసీఆర్ కు సిట్ నోటీసులు ఇవ్వడం పై  వట్ పల్లి మండల బీఆర్ఎస్ పార్టీ మండల నాయకులు, పార్టీ కార్యకర్తలు రోడ్డుపై నల్ల బ్యాడ్జీలతో నిరసన చేశారు.ఈ సందర్భంగా మాజీ వరం చైర్మన్ వీరారెడ్డి మాట్లాడుతూ కేసీఆర్ ను రాజకీయంగా ఎదుర్కోలేక  కుట్ర పూరిత కక్షలకు కాంగ్రెస్ ప్రభుత్వం  దిగజారింది అన్నారు.ఆదివారం మండల కేంద్రంలో వటపల్లిలో జాతీయ రహదారి నిరసన చేస్తుండగా పోలీసులు అక్కడికి చేరుకొని ఎస్సై లవ కుమార్ వారిని అరెస్ట్ చేసి పోలీస్ వాహనంలో ఎక్కించుకొని పోలీస్ స్టేషన్ కు తరలించారు.ఈ కార్యక్రమంలో మండల ప్రధాన కార్యదర్శి శివాజీ రావు, మాజీ సర్పంచ్ సురేఖ బుద్ది రెడ్డి, రైబస మాజీ అధ్యక్షులు అశోక్ గౌడ్, సీనియర్ నాయకులు వెంకట్ రెడ్డి,మధు,సర్పంచ్ లు వీరా రెడ్డి, రాజు, యువ నాయకులు వీరన్న,బాలాజీ రావు,దశరథ్ తదితరులు పాల్గొన్నారు.