ముత్తారం : మంగళవారం 'విజన్ ఆంధ్ర' దినపత్రికలో 'అల్లుకున్న నిర్లక్ష్యం' వార్తకు ముత్తారం విద్యుత్ అధికారులు స్పందించి బుధవారం చెట్ల కొమ్మలను విద్యుత్ కు అంతరాయం కలిగించకుండా తొలగించారు.దీంతో 'విజన్ ఆంధ్ర' దినపత్రికలో వచ్చిన కథనానికి ప్రజలు కృతజ్ఞతలు తెలిపారు.

ముత్తారం  :  పెద్దపల్లి రీజినల్ టాస్క్ సెంటర్ ను నిరుద్యోగ యువత సద్వినియోగం చేసుకోవాలని జిల్లా కలెక్టర్  కోయ శ్రీ హర్ష శనివారం ఒక ప్రకటనలో తెలిపారు.జిల్లాలో నిరుద్యోగ యువతకు ఉపాధి అవకాశాలు కల్పించే లక్ష్యంతో టాస్క్ రీజనల్ సెంటర్ ఉచితంగా పలు టెక్నికల్ కోర్సుల్లో శిక్షణ ఇస్తోందని, ఆర్టిసి బస్ డిపో కార్యాలయ ప్రాంగణంలో ఉన్న టాస్క్ సెంటర్లో ఈ శిక్షణ కార్యక్రమాలు అందిస్తామన్నారు.  జావా వెబ్ డెవలప్‌మెంట్, పైథాన్, సీ, సీ++, హెచ్‌టిఎంఎల్, సీఎస్‌ఎస్, జావాస్క్రిప్ట్, టాలీ విత్ జీఎస్‌టీ, మెడికల్ కోడింగ్ & బిల్లింగ్, ఆప్టిట్యూడ్, రీజనింగ్, సాఫ్ట్ స్కిల్స్‌ వంటి ముఖ్యమైన కోర్సుల్లో శిక్షణ ఇవ్వనున్నట్లు  తెలిపారు. డిగ్రీ పూర్తి చేసి ఉద్యోగం కోసం ఎదురుచూస్తున్న యువతీ యువకులు ఈ అవకాశాన్ని సద్వినియోగం చేసుకోవాలని, టాస్క్ సెంటర్లో శిక్షణ పొందిన వారికి మంచి జీతాలతో ఉద్యోగాలు లభిస్తున్నాయని పేర్కొన్నారు.ఆసక్తి ఉన్న అభ్యర్థులు ఫిబ్రవరి 28 లోపు టాస్క్ సెంటర్లో పేరు నమోదు చేసుకోవాలని  మరింత సమాచారం కోసం 90595 06807 నంబర్‌లో సంప్రదించాలని కలెక్టర్  ఆ ప్రకటనలో పేర్కొన్నారు.

ముత్తారం  :  పెద్దపెల్లి జిల్లా ముత్తారం మండలంలోని సర్వారం గ్రామానికి చెందిన గౌరీశెట్టి రాజయ్య  ఆల్ ఇండియా దళిత్ యాక్షన్ కమిటీ పెద్దపల్లి జిల్లా అధ్యక్షుడిగా నియామకం అయినట్లు రాష్ట్ర అధ్యక్షులు రత్నం శైలేందర్ తెలిపారు.ఈ సందర్భంగా గౌరీశెట్టి రాజయ్య మాట్లాడుతూ నాపై నమ్మకంతో జిల్లా అధ్యక్ష పదవి ఇచ్చినందుకు వెనుకబడిన కులాలకు అన్నీ వర్గాలకు ఇప్పటివరకు రిజర్వేషన్లు పొందని వారికి ప్రతి కులానికి రిజర్వేషన్లు అందే విధంగా కృషి చేస్తానని తెలిపారు.రాష్ట్ర అధ్యక్షులు రత్నం శైలేందర్ కి, జాతీయ అధ్యక్షులు డాక్టర్ చిన్న రాము కి గౌరిశెట్టి రాజయ్య  కృతజ్ఞతలు తెలిపారు.

ముత్తారం  : ముత్తారం మండలంలోని దర్యాపూర్ తెలంగాణ మోడల్ స్కూల్ 9వ తరగతి చదువుతున్న విద్యార్థి చిరు వెంకట ప్రసాద్ తనదైన శైలిలో ప్రత్యేక నైపుణ్యంతో కరీంనగర్ ఉమ్మడి జిల్లా స్థాయి క్రికెట్ విజేతగా నిలిచి మహబూబ్ నగర్ జిల్లా జడ్చర్లలో రేపటి నుండి జరగబోయే రాష్ట్రస్థాయి బాలుర క్రికెట్ టోర్నమెంట్ లో ఆడనున్నట్లు పాఠశాల ప్రిన్సిపాల్ సంతోష్ కుమార్ తెలిపారు.తెలంగాణ రాష్ట్ర స్థాయికి ఎంపికైన చిరు వెంకట ప్రసాద్ ని ఎంఈఓ హరిప్రసాద్, పాఠశాల ప్రిన్సిపాల్ కేసరి సంతోష్ కుమార్,పీడీ స్వప్న, పాఠశాల సిబ్బంది,విద్యార్థులు ప్రశంసించారు.

రామగుండం : రామగుండం పోలీసు కమిషనరేట్.. మహిళల భద్రతే పోలీసుల లక్ష్యమని ఒక ఫోన్ కాల్ చేయండి… ఒక మెసేజ్ పంపండి. భయం వీడండి… ధైర్యంగా ఫిర్యాదు చేయండి. మహిళలు, బాలికల భద్రతకు భరోసాగా, అండగా రామగుండం షీ టీమ్స్ ఎప్పుడూ అందుబాటులో ఉంటాయని రామగుండం పోలీస్ కమిషనర్ అంబర్ కిషోర్ ఝా తెలిపారు.రామగుండం కమిషనరేట్ పరిధిలో మహిళలు,బాలికల భద్రత కోసం షీటీమ్స్ నిరంతరంగా సేవలు అందిస్తున్నాయని ఆయన ఒక ప్రకటనలో పేర్కొన్నారు.పోలీస్ శాఖపై,షీ టీమ్స్‌పై నమ్మకం,భరోసాతో మహిళలు,బాలికలు తమపై జరుగుతున్న వేధింపులపై ధైర్యంగా ఫిర్యాదు చేయడానికి ముందుకు వస్తున్న వారి సంఖ్య రోజురోజుకీ పెరుగుతోందన్నారు.రామగుండం కమిషనరేట్ పరిధిలో పెద్దపల్లి జోన్‌లో ఒక షీ టీమ్, మంచిర్యాల జోన్ పరిధిలో రెండు షీ టీమ్స్ పనిచేస్తున్నాయి. మహిళలు,బాలికలు, పిల్లలను ఎవరు అయినా వేధిస్తే వెంటనే సమాచారం ఇవ్వవచ్చని అన్నారు.షీ టీమ్ వాట్సాప్ నంబర్: 6303923700
పెద్దపల్లి జోన్ షీ టీమ్: 8712659386 మంచిర్యాల జోన్ షీ టీమ్: 8712659385...అదేవిధంగా డయల్ 100కు కాల్ చేయవచ్చని సూచించారు.మహిళలు,బాలికలు సురక్షిత ప్రయాణం కోసం T-SAFE (ట్రావెల్ సేఫ్) యాప్‌ను వినియోగించుకోవాలని కోరారు పోలీస్ కమిషనర్ ఝా అన్నారు...

మంథని:    మంథని పట్టణంలో మాజీ ఎమ్మెల్యే చంద్రుపట్ల రామిరెడ్డి  పార్థివ దేహానికి కార్మిక మరియు గనుల శాఖ మంత్రివర్యులు డా. వివేక్ వెంకటస్వామి  ఘనంగా నివాళులు అర్పించారు. ఈ సందర్భంగా ఆయన మృతుని కుటుంబ సభ్యులను పరామర్శించి ప్రగాఢ సానుభూతిని వ్యక్తం చేశారు. రాజకీయ రంగంలో చంద్రుపట్ల రామిరెడ్డి  ప్రజాసేవకు అంకితభావంతో పనిచేసిన నాయకుడని మంత్రి వివేక్ వెంకటస్వామి కొనియాడారు. మంథని ప్రాంత అభివృద్ధికి ఆయన చేసిన సేవలు చిరస్మరణీయమని పేర్కొన్నారు. ఆయన అకాల మరణం ప్రజలకు, అభిమానులకు తీరని లోటుగా అభివర్ణించారు. ఈ కార్యక్రమంలో స్థానిక ప్రజాప్రతినిధులు, పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొని చంద్రుపట్ల రామిరెడ్డి చివరి వీడ్కోలు పలికారు.

ముత్తారం  : ముత్తారం మండల కేంద్రంలో నిర్వహించే సీఎం కప్ 2025 మండల స్థాయి క్రీడా పోటీలను ఈనెల 28 నుండి 31 వరకు నిర్వహిస్తున్నట్లు ఎంపీడీవో సురేష్ ఒక ప్రకటనలో తెలిపారు.గ్రామస్థాయిలో ఎవరైతే పోటీలో పాల్గొనేవారు ఆన్లైన్లో వారి పేరు నమోదు చేసుకొని పోటీలో పాల్గొనాలని ఎంపీడీవో సురేష్ తెలిపారు.

ముత్తారం  : పెద్దపల్లి జిల్లాలో సహకార సంస్థల ఆధ్వర్యంలో చేపడుతున్న పీఎం-కుసుమ్ సోలార్ ప్రాజెక్టు పనుల్లో వేగం పెంచాలని, ఫిబ్రవరి నెలాఖరు లోగా గ్రిడ్ కు అనుసంధానం అయ్యే విధంగా చర్యలు తీసుకోవాలని జిల్లా కలెక్టర్ కోయ శ్రీహర్ష ఆదేశించారు.జిల్లా కలెక్టర్ కోయ శ్రీ హర్ష గురువారం మంథని మండలంలో విస్తృతంగా పర్యటించారు.మంథని మండలం కన్నాల గ్రామం లోని జిల్లా పరిషత్ ఉన్నత పాఠశాల, మండల పరిషత్ ప్రాథమిక పాఠశాల, నాగారం గ్రామంలో ఎంపిపిఎస్, పీ.హెచ్.సి సబ్ సెంటర్ , గుంజపడుగు గ్రామంలో నిర్మాణంలో ఉన్న పీ.హెచ్.సి భవనం, జడ్పీహెచ్ఎస్, 1 మెగా వాట్ సోలార్ ప్లాంట్ నిర్మాణం, మంథని లోని ఆర్డిఓ కార్యాలయ నిర్మాణ పనులు, జడ్పీహెచ్ఎస్ బాలికలు, బుట్టుపల్లి లోని ఆర్ అండ్ ఆర్ పనులను కలెక్టర్ పరిశీలించారు.

కన్నాల పాఠశాలలో ప్రహరి గోడ, గేట్ ఏర్పాటు, మైనర్ మరమ్మత్తు పనులు త్వరగా పూర్తి చేయాలని కలెక్టర్ సూచించారు. నాగారం గ్రామం లోని పాఠశాలలో మంజూరు చేసిన పనులు, సబ్ సెంటర్ నిర్మాణ పనులు నెల రోజుల్లో లోగా పూర్తి చేయాలని అన్నారు. గుంజపడుగు జడ్పీహెచ్ఎస్ లో మంజూరు చేసిన అభివృద్ధి పనులు త్వరగా పూర్తిచేసి విద్యార్థులకు అందుబాటులోకి తీసుకొని రావాలని కలెక్టర్ తెలిపారు.గుంజపడుగు ప్రాథమిక ఆరోగ్య కేంద్రం ప్రహరీ గోడ నిర్మాణ పనులు, అవసరమైన పరికరాల బిగింపు పూర్తి చేసి మార్చి నాటికీ హ్యాండ్ ఓవర్ చేయాలని అన్నారు.గుంజపడుగు లో ఫ్యాక్స్ ద్వారా ఏర్పాటు చేసే సోలార్ ప్లాంట్ పనులు పూర్తి చేసి ఫిబ్రవరి చివరి నాటికి విద్యుత్ ఉత్పత్తి ప్రారంభించాలని కలెక్టర్ ఆదేశాలు జారీ చేశారు.రాష్ట్ర గిడ్డంగుల సంస్థ ఆధ్వర్యంలో నూతనంగా గోదాముల ఏర్పాటు చేసేందుకు ప్రతిపాదనలు తయారు చేయాలని కలెక్టర్ సూచించారు. బిట్టుపల్లి ఆర్&ఆర్ కాలనీ లో పెండింగ్ పనులు యుద్ధ ప్రాతిపదికను పూర్తి చేయాలని అన్నారు. ఆర్ &ఆర్ కాలనీ లో అంతర్గత రోడ్లు, స్ట్రీట్ లైట్లు ఏర్పాటు చేయాలని కలెక్టర్ సూచించారు.ఈ పర్యటనలో జిల్లా కలెక్టర్ వెంట డీసీఓ శ్రీమాల, రెడ్కో జిల్లా మేనేజర్ దురిశెట్టి మనోహర్, కేడీసీసీ బ్యాంకు సీఈఓ సత్యనారాయణ రావు, ఎంపిడిఓ శ్రీజ, తహశీల్దార్ అరీఫోద్దిన్, ఏడీఈ వెంకటనారాయణ, రెడ్కో డిఓ మునీందర్, ఏడీఓ లక్ష్మీకాంత్, గ్రీన్ సెక్యూర్ రమాకాంత్ , ఏఈ పి.ఆర్. అనుదీప్, విక్రమ్,సంబంధిత అధికారులు, తదితరులు పాల్గొన్నారు.