పెద్ద శంకరంపేట్  : పెద్ద శంకరంపేట్ మండల పరిషత్ ప్రాథమికోన్నత   పాఠశాల మల్కాపూర్  లో విద్యార్థిని విద్యార్థులు స్వయం పరిపాలన దినోత్సవం లో పాల్గొనరు ఈ స్వయం పరిపాలన దినోత్సవం పురస్కరించుకొని పాఠశాల ప్రధానోపాధ్యాయులు యమ్,సుష్మ, మాట్లాడుతూ విద్యార్థిని విద్యార్థులు చాలా చక్కగా తమ తమ విధులను నిర్వర్తించారని కొనియాడారు. ఉత్తమ ప్రతిభను కనబరిచిన విద్యార్థిని విద్యార్థులకు పాఠశాల ప్రధానోపాధ్యాయులు బహుమతులు ప్రధానం చేశారు. ఇట్టి కార్యక్రమంలో  డీఈవో గా రాజు, ఎం ఈఓగా,చిరంజీవి ,ప్రధానోపాధ్యాయులుగా లోకేష్, వ్యవహరించారు. ఈ  కార్యక్రమంలో ఉపాధ్యాయ బృందం యన్, ఆనంద్ , జే, కాన్సిరాం. యన్, సచిన్ కుమార్, యమ్,స్రవంతి,   తదితరులు పాల్గొన్నారు.

పాపన్నపేట  : మండల కేంద్రంలోని నార్సింగి శ్రీ సాయి పాఠశాలలో  జాతీయ సైన్స్ దినోత్సవం సందర్భంగాఎగ్జిబిషన్ నిర్వహించడం జరిగింది పాఠశాల విద్యార్థులు వివిధ రకాల నమూనాలతో ప్రదర్శన చేయడంతో విద్యార్థుల తల్లిదండ్రులను ఆకట్టుకునేలా చేశాయి, ఈ సందర్భంగా పాఠశాల ప్రిన్సిపల్ మహేష్ మాట్లాడుతూ భౌతిక శాస్త్రవేత్త సర్ సి.వి రామన్ ఎఫెక్ట్, జాతీయ సైన్స్ డే సందర్భంగా విద్యార్థులు పాఠశాలలో వివిధ రకాల నమూనాలు చేసి ప్రదర్శించడం జరిగిందని వాటిని పరిశీలించి ప్రతిభ కనబరిచిన విద్యార్థులకు బహుమతులు అందజేశామని తెలిపారు. ఈ కార్యక్రమంలో మేనేజ్మెంట్ నరేష్ ,భాస్కర్ ,శివకుమార్, ఉపాధ్యాయులు వినోద్, శ్రీవాణి, రాజ్యలక్ష్మి, సింధూర,శాంతకుమారి, చైతన్య, స్వాతి, హర్ష ,శృతి, పూజ ,తదితరులు పాల్గొన్నారు

పాపన్నపేట : పాపన్నపేట మండల కేంద్రంలోని గాజుల గూడెం గ్రామ శివారులో అక్రమంగా గాడిదలతో ఇసుక నిలువ చేస్తూ అర్ధరాత్రి అక్రమంగా అమ్ముకుంటున్నట్లు స్థానిక పోలీస్, రెవెన్యూ శాఖ ,తెలియడంతో అకస్మాత్తుగా సంయుక్తంగా దాడులు నిర్వహించి,  దాదాపుగా 30 అక్రమ ఇసుక కుప్పలను సీజ్ చేయడం జరిగిందని, పోలీస్, రెవెన్యూ యంత్రాంగం తెలిపింది.

పెద్ద శంకరంపేట్ : పెద్ద శంకరంపేట్ మండలం తిరుమలపురం శివారులో ప్రమాదకరంగా ఉన్న ఇనుప విద్యుత్ స్తంభం  కారణంగా గేదె మృతి చెందిన ఘటన వెలుగులోకి వచ్చింది. స్థానికుల వివరాల ప్రకారం సాకలి బుజ్జమ్మ భర్త సాయిలు బర్లు మేపుతుండగా గేదె విద్యుత్ స్తంభానికి తగిలి అక్కడికక్కడే చనిపోయింది. గ్రామంలో పాత, దెబ్బతిన్న స్తంభాలు ప్రమాదంగా ఉన్నాయని పలుమార్లు విజ్ఞప్తి చేసినా అధికారులు పట్టించుకోలేదని గ్రామస్థులు ఆరోపించారు. మూగజీవి ప్రాణం కోల్పోవడం బాధాకరమని, వెంటనే ప్రమాదకర స్తంభాలను తొలగించి బాధిత కుటుంబానికి నష్టపరిహారం అందించాలని వారు డిమాండ్ చేస్తున్నారు.

పెద్ద శంకరంపేట్ : పెద్ద శంకరంపేట్ మండలం మల్కాపూర్ గ్రామంలో విద్యుత్ తీగలు చాలా కాలంగా వేలాడుతూ ప్రమాదకరంగా మారాయి. ఇళ్ల మధ్యగా, వీధులపైగా తక్కువ ఎత్తులో ఉండటంతో ఎప్పుడైనా ప్రమాదం సంభవించే అవకాశం ఉందని గ్రామస్థులు ఆందోళన వ్యక్తం చేస్తున్నారు. చిన్నపాటి వర్షం పడినా, గాలి వీచినా విద్యుత్ సరఫరా నిలిచిపోతుందని స్థానికులు చెబుతున్నారు. తీగలు ఒకదానికొకటి తాకి చిమ్మర్లు కనిపిస్తున్నాయని, రాత్రి వేళల్లో మరింత భయం కలుగుతోందని తెలిపారు. సంబంధిత అధికారులకు పలుమార్లు ఫిర్యాదు చేసినా ఇప్పటివరకు ఎలాంటి చర్యలు తీసుకోలేదని ఆరోపిస్తున్నారు. ప్రమాదం జరుగకముందే తీగలను సరిచేసి, బలహీనమైన స్తంభాలను మార్చాలని గ్రామస్థులు కోరుతున్నారు.

పెద్ద శంకరంపేట్ : పెద్ద శంకరంపేట్ మండల ప్రజా వేదికలో సోమవారం ప్రజావాణి కార్యక్రమాన్ని నిర్వహించారు. ప్రజావాణి కార్యక్రమం ద్వారా రైతుల భూ సమస్యలను సత్వర పరిష్కారం లభిస్తుందని ఎమ్మార్వో ప్రభుదాస్, ఎంపీడీవో క్రాంతి కుమార్ తెలిపారు. ఈ కార్యక్రమానికి మండల తహసిల్దార్ తో పాటు ఎంపీడీవో ఇతర మండల స్థాయి అధికారులు హాజరై ప్రజల నుంచి వినితులను స్వీకరించారు. ప్రజా వాణి ఈ కార్యక్రమానికి మండలంలోని వివిధ గ్రామాల నుంచి వచ్చిన ప్రజలు తమ సమస్యలను అధికారుల దృష్టికి తీసుకురావాలన్నారు.ఈ సందర్భంగా అధికారులు ప్రతి వినతిని క్షుణ్ణంగా పరిశీలించి, సంబంధిత శాఖల ద్వారా తక్షణమే చర్యలు తీసుకుంటామని హామీ ఇచ్చారు. ప్రజల సమస్యలు నేరుగా తెలుసుకొని పరిష్కరించేందుకే ప్రజావాణి కార్యక్రమం ఎంతో ఉపయోగపడుతుందని అధికారులు తెలిపారు. ప్రజలు ఈ అవకాశాన్ని సద్వినియోగం చేసుకొని తమ సమస్యలను అధికారుల దృష్టికితీసుకురావాలని తెలిపారు. ఈ కార్యక్రమం ద్వారా ప్రజలకు ప్రభుత్వానికి మధ్య సమన్వయం మరింత బలోపేతం అవుతుందని తెలిపారు.

పాపన్నపేట  : తాను పదవిలో ఉన్నా,లేకున్నా ప్రజల కోసం పని చేస్తానని బీజేపీ జిల్లా కిసాన్ సెల్ అధ్యక్షులు బైండ్ల సత్యనారాయణ ముదిరాజ్ స్పష్టం చేశారు.సోమవారం రోజు పాపన్నపేట మండల పరిధిలోని కొత్తపల్లి గ్రామంలోనీ 7వ వార్డు ప్రజలు త్రాగు నీటి కోసం అల్లాడుతున్నారని తమ దృష్టికి తీసుకు రాగా అందుకు స్పందించి వార్డులో నూతన మోటార్ బిగించి వార్డు ప్రజల దాహార్తిని తీర్చినట్టు తెలిపారు.గ్రామంలో నీటి ఎద్దడిని దృష్టిలో ఉంచుకుని అక్కడక్కడ బోర్లు వేయించినట్లు ఆయన వెల్లడించారు.ఈసందర్భంగా నీటి సమస్యను తీర్చినందుకు వార్డు ప్రజలు,గ్రామ ప్రజలు హర్షం వ్యక్తం చేశారు.ఈకార్యక్రమంలో బైండ్ల ముత్యం,బైండ్ల కుమార్,గడ్డింగారి సత్యనారాయణ,బైండ్ల రాజు,బైండ్ల రాము,బండల కాడి కృష్ణ,మోయారాజు,బైండ్ల అంతయ్య,భీమరి రమేష్,    బోయిని సత్యనారాయణ తదితరులు పాల్గొన్నారు.

మెదక్ /అందోల్ : రేగోడు మండల పరిధిలోని టి.లింగంపల్లి గ్రామ శివారులో గల కోల్ట్రీ ఫార్మ్ అక్కడ ఏర్పాటు చేయడంతో లక్షలకొద్దీ కోళ్లను పెంచడంతో వాటికి అధిక లాభాలు పొందేందుకు కోల్ట్రి ఫామ్ యాజమాన్యం మందులు వేయడంతో రోడ్డుపై వెళ్లే దోసపల్లి - టి.లింగంపల్లి,తాటిపల్లి, గజవాడ గ్రామస్తులకు దుర్వాసనతో చాలా ఇబ్బందులు పడుతున్నారు.ఉదయం సాయంత్రం వేళల్లో గాలితో దుర్వాసన రావడంతో దోసపల్లి గ్రామస్తులు ఇబ్బందులు తప్పడం లేదు, సంబంధిత జిల్లా అధికారులు స్పందించి కోల్ట్రీ ఫామ్ యాజమానిపై చర్యలు తీసుకొని దుర్వాసన రాకుండా చూడాలని చుట్టుపక్కల గ్రామాల ప్రజలు కోరుతున్నారు.దళిత హక్కుల సమితి మెదక్ జిల్లా ప్రధాన కార్యదర్శి, సిపిఐ సంగమేశ్వర్, ఉపాధ్యక్షులు అరుణ్ కుమార్ మాట్లాడుతూ ఈ కోల్ట్రీ ఫార్మ్ వాసనతో ప్రజలు చాలా ఇబ్బంది పడుతున్నారు. దీనివల్ల ఈగలు విపరీతంగా పెరిగి ప్రజల అనాఆరోగ్యంతో బాధపడుతున్నారని అన్నారు.వెంటనే యాజమాన్యం నిర్లక్ష్య వైఖరి పైన చర్యలు తీసుకోవాలని అన్నారు.ఈ ధర్నాలో దోసపల్లి గ్రామ సర్పంచ్ అమర్సింహ రెడ్డి,మండల అధ్యక్షులు బుచ్చయ్య,ఉప సర్పంచ్, మాజీ సర్పంచ్ అంజయ్య,గురునాథ్ రెడ్డి, ప్రవీణ్ రావు, సంగారెడ్డి, సంగమేశ్వర్ రెడ్డి, తదితరులు పాల్గొన్నారు.

పెద్ద శంకరంపేట్ : పెద్ద శంకరంపేట్  డివిజన్ పరిధిలో టేక్మాల్ రైతు వేదిక వద్ద పెద్ద శంకరంపేట్ టేక్మాల్ రేగోడు  అల్లాదుర్గ్ రైతులకు వ్యవసాయ యాంత్రీకరణ ఎస్ఎంఏఎం(SMAM )2025-26 పథకం కింద సబ్సిడీపై వ్యవసాయ పనిముట్లు జిల్లా వ్యవసాయ అధికారి దేవ్ కుమార్ చేతులమీదుగా  పెద్ద శంకరంపేట్ మండలంలోని సబ్సిడీపై అప్లై చేసుకున్న రైతులకు ఐదు తైవాన్ పవర్ స్ప్రేయర్లు, ఒక రోటవేటరు రెండు పవర్ వీడర్లు వ్యవసాయ పరికరాలు అందజేశారు  మిగతా అప్లై చేసుకున్న రైతులకు వారం రోజుల లోపల అందజేయడం జరుగుతుంది ని జిల్లా వ్యవసాయ అధికారి తెలిపారు. ఇంకా రైతులు ఎవరైనా కావలసినవారు అవసరం ఉన్నవారు సబ్సిడీపై రోటవేటర్లు పవర్ స్ప్రేయర్లు బ్రష్ కట్టర్స్ స్ట్రా బేలర్స్ ఎంబి ప్లవ్వులు అప్లై చేసుకోవడానికి సమయం వారం రోజులు ఉన్నది కావున అవసరమున్న రైతులు వెంటనే వ్యవసాయ అధికారులను సంప్రదించి డిడి తో సహా పట్టా పాసుబుక్కు ఆధార్ అప్లికేషన్ ఫారం అందజేయగలరని తెలియజేస్తున్నాము ఈ కార్యక్రమంలో మండల వ్యవసాయ అధికారి నాగం కృష్ణ ఏఈవోలు వినీత్, అఖిల్, సుభాష్  రైతులు తదితరులు పాల్గొన్నారు.

పెద్ద శంకరంపేట్  : పెద్ద శంకరంపేట్ బాన్సువాడలో జరుగుతున్న నిరసన కార్యక్రమానికి మద్దతుగా వెళ్తున్న గోషామహల్ ఎమ్మెల్యే టి. రాజాసింగ్‌ను మెదక్ జిల్లా పోలీసులు ఆదివారం అదుపులోకి తీసుకున్నారు. సమాచారం అందుకున్న పోలీసులు మెదక్ డి.ఎస్.పి ప్రసన్నకుమార్ ఆధ్వర్యంలో పెద్ద శంకరంపేట సమీపంలోని కింగ్స్ 9 రెస్టారెంట్ వద్ద ఉదయం సుమారు 10.30 గంటల ప్రాంతంలో ఆయనను అదుపులోకి తీసుకుని పోలీస్ స్టేషన్‌కు తరలించారు.ఈ విషయం తెలిసిన వెంటనే మండల బీజేపీ అధ్యక్షుడు శ్రావణ్ కుమార్ నేతృత్వంలో బీజేపీ, హిందూ సంఘాల నాయకులు, కార్యకర్తలు పోలీస్ స్టేషన్ ఎదుట బైఠాయించి ఎమ్మెల్యేను విడుదల చేయాలని డిమాండ్ చేస్తూ ధర్నా చేపట్టారు. అనంతరం అంబేద్కర్ చౌరస్తా వద్ద ప్రధాన రహదారిపై నిరసన కొనసాగించారు.నిరసన సందర్భంగా హైదరాబాదు నుంచి పిట్లం–బిచ్కుంద వైపు వెళ్తున్న బస్సును ఆపివేయడంతో కొంత ఉద్రిక్తత నెలకొంది.ఆందోళనకారులు బస్సు అద్దంపై చేతితో గుద్దడంతో స్వల్పంగా పగుళ్లు ఏర్పడ్డాయి.
మధ్యాహ్నం రెండు గంటల ప్రాంతంలో ఎమ్మెల్యే రాజాసింగ్‌ను పోలీసులు హైదరాబాద్‌కు తరలించారు. ఈ సందర్భంగా అంబేద్కర్ చౌరస్తా వద్ద ఆయన మాట్లాడుతూ, నిర్మల్ జిల్లాలో చత్రపతి శివాజీ విగ్రహావిష్కరణ కార్యక్రమానికి వెళ్తుండగా అరెస్టు చేసినట్లు తెలిపారు. కార్యకర్తలను కలిసి కరచాలనం చేయడం ఆనందంగా ఉందన్నారు.ఈ కార్యక్రమంలో అల్లాదుర్గం సీఐ రేణుక రెడ్డి, ఎస్సైలు ప్రవీణ్ రెడ్డి, శంకర్, పోచయ్య తదితర పోలీస్ సిబ్బంది పాల్గొన్నారు.

పెద్ద శంకరంపేట్  : పెద్ద శంకరంపేట్ మండలం రామోజీపల్లి గ్రామంలోని అంగన్‌వాడీ కేంద్రంలో శనివారం అన్నప్రాసన, సీమంతం కార్యక్రమాలు ఘనంగా నిర్వహించారు.. చిన్నారుల ఆరోగ్యకరమైన భవిష్యత్తు, గర్భిణీ స్త్రీల శ్రేయస్సు లక్ష్యంగా ఈ కార్యక్రమాన్ని చేపట్టగా తల్లులు, మహిళలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.కార్యక్రమానికి అంగన్‌వాడీ సూపర్వైజర్ శ్రీశైల హాజరై మాట్లాడుతూ, గర్భిణీలు, బాలింతలు ప్రభుత్వం అందిస్తున్న పథకాలను సద్వినియోగం చేసుకోవాలని సూచించారు. గ్రామ సర్పంచ్ మాట్లాడుతూ గ్రామ అభివృద్ధిలో అంగన్‌వాడీ కేంద్రాల పాత్ర కీలకమని పేర్కొన్నారు. వార్డ్ సభ్యులు కూడా పాల్గొని కార్యక్రమాన్ని అభినందించారు.ఈ సందర్భంగా చిన్నారులకు అన్నప్రాసన నిర్వహించగా, గర్భిణీ స్త్రీలకు సీమంతం కార్యక్రమం నిర్వహించి ఆశీర్వదించారు. పిల్లల తల్లులు, గ్రామ మహిళలు పెద్ద సంఖ్యలో హాజరై ఉత్సాహంగాపాల్గొన్నారు.అనంతరం ఏఎల్ఎంసీ  కమిటీని సర్పంచ్ అధ్యక్షతన ఏర్పాటు చేయడం జరిగింది. అంగన్‌వాడీ విధి నియమాలను పరిశీలించడం, కేంద్రం పనితీరును పర్యవేక్షించడం వంటి బాధ్యతలను ఈ కమిటీ వహించనున్నట్లు తెలిపారు.ఈ కార్యక్రమంలో అంగన్వాడీ టీచర్లు కవిత, హేమలత గ్రామస్తులు పాల్గొన్నారు.

పెద్ద శంకరంపేట్  : భక్తి మార్గం ద్వారానే మనిషికి సంపూర్ణ మానసిక ప్రశాంతత లభిస్తుందని మెదక్ పార్లమెంట్ కాంగ్రెస్ పార్టీ ఇంచార్జి నీలం మధు ముదిరాజ్ అన్నారు. శుక్రవారం మెదక్ జిల్లా పెద్ద శంకరంపేట మండలం ఉత్తులూరు గ్రామంలో నూతనంగా నిర్మించిన ఆలయంలో గంగమ్మ తల్లి విగ్రహావిష్కరణ కార్యక్రమం అత్యంత వైభవంగా జరిగింది. ఈ కార్యక్రమానికి ఆయన ముఖ్య అతిథిగా హాజరై, ప్రత్యేక పూజలు నిర్వహించారు.
ఈ సందర్భంగా నిర్వాహకులు ఆయనకు ఘన స్వాగతం పలికారు.
అనంతరం నీలం మధు మాట్లాడుతూ.. గ్రామాలు ఆధ్యాత్మికంగా వెల్లివిరిసినప్పుడే ప్రజల మధ్య సోదరభావం పెంపొందుతుందని పేర్కొన్నారు. గంగమ్మ తల్లి ఆశీస్సులు ప్రజలందరిపై ఉండాలని, పాడిపంటలతో గ్రామలు సుభిక్షంగా ఉండాలని ఆయన ఆకాంక్షించారు. ఈ కార్యక్రమంలో సర్పంచ్ నిరుడి శ్రావణి సాయిలు, మంద మల్లేష్, సతీష్, పెంటయ్య, దుర్గయ్య, బ్యతయ్య, చంద్రయ్య, సాయిలు, దశరథ్, సాయిలు, సంగయ్య, అశోక్, రాములు, పెంటన్న, ఈర గౌడ్, ఉత్సవ నిర్వహకులు, గ్రామ పెద్దలు,ప్రజలు, తదితరులు పాల్గొన్నారు.