జయశంకర్ భూపాలపల్లి / మహాదేవపూర్ : మండలం చండ్రుపల్లి గ్రామంలో చాలా కాలంగా ప్రజలను ఇబ్బందులకు గురిచేస్తున్న డ్రైనేజ్ సమస్యకు గ్రామ సర్పంచ్ గుర్సింగ్ బాపు చొరవతో పరిష్కారం లభించింది.గ్రామంలో మురుగు నీరు నిల్వ ఉండటంతో ప్రజలు తీవ్ర ఇబ్బందులు ఎదుర్కొంటుండగా, సమస్యను గుర్తించిన సర్పంచ బాపు స్పందించి జేసీబీ సహాయంతో మురుగు కాలువలను శుభ్రం చేయించి నీటి పారుదలను సక్రమంగా ఏర్పాటు చేశారు.డ్రైనేజ్ వ్యవస్థను పునరుద్ధరించడంతో నిల్వ ఉన్న మురుగు నీరు బయటకు వెళ్లి గ్రామంలో పారిశుద్ధ్య పరిస్థితులు మెరుగుపడ్డాయి. దీంతో స్థానిక ప్రజలు హర్షం వ్యక్తం చేస్తూ, సమస్యను వెంటనే పరిష్కరించిన సర్పంచ్ గుర్సింగ్ బాపుకు కృతజ్ఞతలు తెలిపారు. గ్రామ ప్రజల సమస్యలను ఎప్పటికప్పుడు గుర్తించి తక్షణ చర్యలు తీసుకోవడం అభినందనీయమని పలువురు గ్రామస్థులు పేర్కొన్నారు. గ్రామ అభివృద్ధి, పారిశుద్ధ్యానికి ప్రాధాన్యం ఇస్తూ ఇలాంటి పనులు కొనసాగించాలని వారు కోరారు.

కాటారం (మండలం)  : భూపాలపల్లి జిల్లా ఎస్పీ సిరిశెట్టి సంకీర్త్, ఐపీఎస్  ఆదేశాల మేరకు, కాటారం మండలంలోని గంగారం మోడల్ స్కూల్ మరియు కళాశాలలో షీ టీం ఎస్సై ఫజల్ ఖాన్ ఆధ్వర్యంలో విద్యార్థినులకు అవగాహన కార్యక్రమం నిర్వహించారు. ఈ సందర్భంగా ఎస్సై ఫజల్ ఖాన్ మాట్లాడుతూ గుడ్ టచ్ – బ్యాడ్ టచ్, స్ట్రీట్ హరాస్మెంట్, మహిళల భద్రత, సైబర్ నేరాల నివారణ, సోషల్ మీడియా వినియోగంలో తీసుకోవాల్సిన జాగ్రత్తలపై విద్యార్థినులకు అవగాహన కల్పించారు. అపరిచిత వ్యక్తుల నుంచి వచ్చే ఫోన్ కాల్స్, వీడియో కాల్స్‌కు స్పందించవద్దని, సోషల్ మీడియా ద్వారా పరిచయమయ్యే వ్యక్తుల పట్ల అప్రమత్తంగా ఉండాలని సూచించారు. విద్యార్థినులు చెడు అలవాట్లకు దూరంగా ఉండి, తల్లిదండ్రులు తమ చదువు కోసం పడుతున్న కష్టాన్ని గుర్తించి విద్యపై పూర్తి దృష్టి సారించి ఉన్నత లక్ష్యాలను సాధించాలని ప్రోత్సహించారు. పాఠశాల పరిసరాల్లో అనుమానాస్పద వ్యక్తులు కనిపించినా లేదా ఏవైనా భద్రతాపరమైన సమస్యలు ఎదురైనా వెంటనే ఉపాధ్యాయులకు, పోలీసులకు సమాచారం అందించాలని సూచించారు. మహిళలు, విద్యార్థినుల భద్రత కోసం షీ టీం ఎల్లప్పుడూ అందుబాటులో ఉంటుందని, ఎవరైనా మహిళలపై అసభ్యంగా లేదా అనుచితంగా ప్రవర్తించినట్లయితే ధైర్యంగా షీ టీం మొబైల్ నంబర్ 8712658162కు ఫిర్యాదు చేయాలని తెలిపారు. ఫిర్యాదుదారుల వివరాలను గోప్యంగా ఉంచి నిందితులపై కఠిన చట్టపరమైన చర్యలు తీసుకుంటామని చెప్పారు. అత్యవసర పరిస్థితుల్లో డయల్-100 సేవలను వినియోగించుకోవాలని, సైబర్ మోసాలకు గురైనట్లయితే వెంటనే సైబర్ హెల్ప్‌లైన్ 1930కు ఫిర్యాదు చేయాలని వివరించారు. ఈ కార్యక్రమంలో షీ టీం ఎస్సై ఫజల్ ఖాన్‌తో పాటు షీ టీం సిబ్బంది పాల్గొన్నారు.

(జయశంకర్ భూపాలపల్లి జిల్లా): దేశంలోకి 'ఎల్‌నినో ' ప్రవేశించిన నేపథ్యంలో, రానున్న కరువు పరిస్థితులను ఎదుర్కొనేందుకు రైతాంగం ముందుస్తుగా సన్నద్ధం కావాలని మండల వ్యవసాయ అధికారి (ఎం ఏ ఓ) పూర్ణిమ పిలుపునిచ్చారు. గురువారం కాటారం రైతు వేదికలో వ్యవసాయ శాఖ ఆధ్వర్యంలో రైతుల కోసం ప్రత్యేక వ్యవసాయ అవగాహన సదస్సు నిర్వహించారు. ​
ఎల్ నినో  ఎఫెక్ట్..!
ఈ సదస్సులో జయశంకర్ భూపాలపల్లి జిల్లా కాటారం మండల వ్యవసాయ అధికారిని (ఎంఏఓ)  పూర్ణిమ మాట్లాడుతూ.. "భారత వాతావరణ శాఖ (ఐ ఎం డి) హెచ్చరికల ప్రకారం దేశంలోకి ఎల్‌నినో ఎంటర్ అయింది, ఇది ఆగస్ట్ నాటికి మరింత బలపడుతుంది. సముద్రపు నీరు వేడెక్కడం వల్ల భూమిపై తీవ్రమైన హీట్ వేవ్స్ వీస్తాయి. ఫలితంగా ఉష్ణోగ్రతలు పెరిగి, రాబోయే రోజుల్లో వర్షాలు బాగా తగ్గిపోతాయి. దీనివల్ల భూగర్భ జలాలు పూర్తిగా అడుగంటిపోయి, తీవ్రమైన నీటి కొరత ఏర్పడుతుంది" అని రైతులను అప్రమత్తం చేశారు.
​నీటి యాజమాన్యం - ఆరుతడి పంటలే మార్గం
పంటలు పండక కరువు పరిస్థితులు ఏర్పడే ప్రమాదం ఉందని, కాబట్టి రైతులు సాంప్రదాయ, అధిక నీరు అవసరమయ్యే పంటల సాగుకు బదులుగా తక్కువ పెట్టుబడి, తక్కువ నీటితో పండే 'ఆరుతడి పంటల' సాగుపైనే దృష్టి సారించాలని ఎంఏఓ పూర్ణిమ కోరారు. బిందు, తుంపర సేద్యం పద్ధతుల ద్వారా నీటిని పొదుపుగా వాడుకోవాలని సూచించారు.
​మండల వ్యాప్తంగా అన్ని గ్రామాల్లో సదస్సులు
కాటారం రైతు వేదికలో జరిగిన ఈ ప్రధాన కార్యక్రమంతో పాటు, మండలంలోని అన్ని గ్రామాల్లో రైతులను అప్రమత్తం చేసేందుకు వ్యవసాయ విస్తరణాధికారులు (ఏ ఈ ఓ) తమ తమ క్లస్టర్ల పరిధిలో ముమ్మరంగా సమావేశాలు నిర్వహించారు. ​ప్రతాపగిరి గ్రామంలో ఏఈఓ పి. శ్రీకన్య, ​కొత్తపల్లి గ్రామంలో ఏఈఓ దివ్య, ​విలాసాగర్ గ్రామంలో ఏఈఓ అస్మా, ​కాటారం గ్రామ పరిధిలో ఏఈఓ రాజన్న, ​ఒడిపిలవంచ గ్రామంలో ఏఈఓ దీపక్, ​ఆధ్వర్యంలో రైతులతో ప్రత్యేక అవగాహన కార్యక్రమాలు జరిగాయి. ఈ సమావేశాల్లో ఏఈఓలు ప్రత్యామ్నాయ పంటల సాగు, యాజమాన్య పద్ధతులపై రైతులకు సవివరంగా దిశానిర్దేశం చేశారు. ఈ కార్యక్రమాల్లో స్థానిక సర్పంచులు, ప్రజాప్రతినిధులు,  మండల రైతు సోదరులు పెద్ద సంఖ్యలో పాల్గొన్నారు. 

భూపాలపల్లి  :  రేగొండ, గోరుకొత్తపల్లి మండలాలకు చెందిన 43 మంది లబ్ధిదారులకు కల్యాణలక్ష్మి, షాదీ ముబారక్ చెక్కులను రేగొండ రైతు వేదికలో భూపాలపల్లి ఎమ్మెల్యే గండ్ర సత్యనారాయణ రావు పంపిణీ చేశారు. రేగొండ మండలానికి చెందిన 32 మంది, గోరుకొత్తపల్లి మండలానికి చెందిన 11 మంది లబ్ధిదారులకు చెక్కులు అందజేశారు.ఈ సందర్భంగా ఎమ్మెల్యే గారు మాట్లాడుతూ, రాష్ట్ర ఆర్థిక పరిస్థితులు ఎలా ఉన్నప్పటికీ ప్రజా ప్రభుత్వం సంక్షేమ పథకాలకు ఎలాంటి ఆటంకం కలగకుండా అమలు చేస్తోందన్నారు. సన్నబియ్యం పంపిణీ, మహిళలకు ఉచిత బస్సు ప్రయాణం వంటి పథకాలు ప్రజలకు ఎంతో ఉపయోగకరంగా ఉన్నాయని తెలిపారు. అలాగే గ్రామాల్లో భూ సమస్యల పరిష్కారానికి సర్వేలు నిర్వహించి, హద్దుల నిర్ధారణతో పాటు అర్హులకు పట్టాలు అందించే దిశగా ప్రభుత్వం చర్యలు చేపడుతోందన్నారు.ఈ కార్యక్రమంలో భూపాలపల్లి మార్కెట్ కమిటీ చైర్మన్, రేగొండ తహసీల్దార్, గోరి కొత్తపల్లి తహసీల్దార్, ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, లబ్ధిదారులు తదితరులు పాల్గొన్నారు.

భూపాలపల్లి  :  రేగొండ, గోరుకొత్తపల్లి మండలాలకు చెందిన 43 మంది లబ్ధిదారులకు కల్యాణలక్ష్మి, షాదీ ముబారక్ చెక్కులను రేగొండ రైతు వేదికలో భూపాలపల్లి ఎమ్మెల్యే గండ్ర సత్యనారాయణ రావు పంపిణీ చేశారు. రేగొండ మండలానికి చెందిన 32 మంది, గోరుకొత్తపల్లి మండలానికి చెందిన 11 మంది లబ్ధిదారులకు చెక్కులు అందజేశారు.ఈ సందర్భంగా ఎమ్మెల్యే గారు మాట్లాడుతూ, రాష్ట్ర ఆర్థిక పరిస్థితులు ఎలా ఉన్నప్పటికీ ప్రజా ప్రభుత్వం సంక్షేమ పథకాలకు ఎలాంటి ఆటంకం కలగకుండా అమలు చేస్తోందన్నారు. సన్నబియ్యం పంపిణీ, మహిళలకు ఉచిత బస్సు ప్రయాణం వంటి పథకాలు ప్రజలకు ఎంతో ఉపయోగకరంగా ఉన్నాయని తెలిపారు. అలాగే గ్రామాల్లో భూ సమస్యల పరిష్కారానికి సర్వేలు నిర్వహించి, హద్దుల నిర్ధారణతో పాటు అర్హులకు పట్టాలు అందించే దిశగా ప్రభుత్వం చర్యలు చేపడుతోందన్నారు.ఈ కార్యక్రమంలో భూపాలపల్లి మార్కెట్ కమిటీ చైర్మన్, రేగొండ తహసీల్దార్, గోరి కొత్తపల్లి తహసీల్దార్, ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, లబ్ధిదారులు తదితరులు పాల్గొన్నారు.

భూపాలపల్లి :  భూపాలపల్లి జిల్లా రేగొండ మండలంలోని ప్రసిద్ధ దేవాలయం కోటంచ శ్రీ లక్ష్మీనరసింహస్వామి వారి దర్శించుకుని ప్రత్యేక పూజలు చేసిన బీజేపీ జిల్లా అధ్యక్షులు ఏడునూతుల నిశిధర్ రెడ్డి  సందర్భంగా నూతనంగా కోటంచ ఆలయ చైర్మన్ గా బాధ్యతలు చేపట్టిన సంపత్ రావు ని శాలువాతో సన్మానించినారు  ఈ కార్యక్రమంలో వారి వెంట జిల్లా ఉపాధ్యక్షులు దాసరి తిరుపతి రెడ్డి పార్లమెంటరీ కో కన్వీనర్ లింగపల్లి ప్రసారావు  జిల్లా ప్రధాన కార్యదర్శి పెండల  రాజు మండల ఉపాధ్యక్షులు ఎర్రబాటి    శివకృష్ణ  బీజేవైఎం జిల్లా నాయకులు   కుమారస్వామి మరియు తదితరులు ఉన్నారు